ثورة الشعب يوم عيد الطغاة

January 18, 2011 at 1:40 pm

انزلو الشوارع
من اسوان الي الاسكندرية
انزلو الشوارع
انا نازل و كل شباب منطقة بولاق الدكرور نازل و نازلين و مش راجعين بيوتنا و الا منتصرين
و الله اذا اردت الشعوب شيء فلن يقف ضدها مخلوق
يا شعب مصر ارجو من الجميع نشر هذة الرسالة
هناك اتفاق كبير جداااااااا ولكن للسرية تمت المحافظة علي خوفا من تدخل الاوغاد و محاولة افسادة
يوم 25 انزلو الشوارع طالبو ان محمد حسني مبارك, احمد عز, احمد نظيف, حبيب العدلي مش يسافرو لا يتحكمو و في ميدان التحرير,,,,علشان يبقي اسم علي مسمي
يا شباب مصر يوم 25 انزلو
خالد سعيد بيناديكم حقي في رقبتكم
بلال السيد يناديكم
1000 مصري ماتو موتة الكلاب ولم يهتم احد في العبارة
في الدويقة زي الكلاب ولم يهتم احد بل كانو يمنعون الانقاذ
فلندق علي رؤوس الامن المركزي بنفس العصي
و يامن يامركزي رجاء رجاء انت و الجيش و الشرطة الا تقفو ضدنا فهمنا هوا همكم
يا شعب مصر يوم 25 انزلو انزلو و بطلو كفاية اقسم بالله انا ببكي لاني عارف ان لو اليوم نزلنا محدش هيوقفنا
شامم ريحة الحرية….شايفها جاية من الشمال لليمين و هتاخد الكل
يا شعب مصر تذكر ان ورائك الكثير ينتظرك
الشعب التونسي مل الانتظار و قام و ثار و انتصر
فماذا تنتظر
يوم 25
اعملو جروبات ع الفيس بوك, علي الماي سبيس, اعملو جروبات علي كل مكان
ابعتو رسايل علي الياهو الام اسن
ابعتو لكل مصري لازم نقف مع بعض
لغاية امتا هنشوف كل واحد فينا يقع
يا شعب مصر ابوس ايديكم ايحنا حوالي 15 شخص فقط,,,من القاهرة و نازلين و محضرين انفسنا و قايلين الشهادة قبل منطلع
يا شعب مصر فوووووووووووووووو…
يا شعب مصر لحد امتا هتفضل علي ركبتك علشان 10 و 20
الموت واحد و الرب واحد و لا نامت اعين
الجبناء
فليسقط محمد حسني مبارك
فليسقط احمد نظيف
فليسقط مجلس التزوير الاشعبي
فليسقط احمد عز
الناس دي عايزين حقنا منها و الي هوا اكبر من اي فلوس
مش عايزينهم يهربو برة
اي سفارة تحميهم هتتعرض للخطر
عايزينهم في ميدان التحرير و في يوم التحرير نشوف فيهم يوم
يا خالد يا سعيد
يا بلال السيد
يا اهل العبارة
حقكم علينا و خلاص اتفو علي الركوع الي ايحنا في
اتفوووووو علي الخنوع الي ايحنا في
اتفووووووووو علي الذل الي ايحنا في
اتفووووووووو علي دي حياة ان كانت هتكون علطول كدة
يا شعب مصر بطل تبقي بطل من ورق و جالك اليوم الي تكون في بطل من حديد
يوم 25 يا شعب مصر ابوس ايديك مش علشاني و لا علشانك
علشان الاجيال الي طالعة
علشان الاحفاد الي طالعة
علشان عيشة اقل من الشريفة و اعلي سنة من الذل و الاهانة
يا شعب مصر يوم 25 انشر و نازلين و ان متنا مش راجعين و ان انتصرنا غانمين ياذن الله
يا شعب مصر انتو فين ردو علي
مدونتي اسمها mrtogo.blogspot
و شكرا الي شعب مصر الي واقف و بيفكر يقف من علي ركبة و يركب في قطار الشرفاء
فلتحي مصر و تحي العروبة
(موقع مصراوى)

ارفع
راسك انتا مصرى
مشربتش من نيلها...
اوعى تكون شربت لما ......

ارفع
راسك انتا مصرى
مشربتش من نيلها...
اوعى تكون شربت لما ......