فى العالم العربى تعيش

في العالم العربي تعيش





في العالم العربي تعيش

كما قط ساكن تحت عربية

عينيه ما تشوفش م الدنيا دي حاجة الا الجزم

في العالم العربي تعيش

كما بهلوان السيرك تحتك بهلوان دايس عليه

وفوق دماغك بهلوان دايس عليك

والكل واقف محترم

في العالم العربي تعيش،

مباراة بقى لها ألف عام

لعيبة تجري يمين شمال

والكورة طول الوقت في إدين الحكم

في العالم العربي، تقول للبنت حبيتك

وتبقى البنت بتحبك، وبتموت فيك

تناولك بالألم

في العالم العربي تعيش

تشتم في طعم المية والطعمية والقهوة وروادها وفى مراتك وأولادها وحر وزحمة الأتوبيس

وفي اللي بيعمله إبليس، وفي التفليس

ولو سألوك تقول الحمد لله ربنا يديمها نعم



في العالم العربي تعيش، كما دمعة في عيون الكريم المحنة تطردها يرجعها الكرم

في العالم العربي تعيش تلميذ في حوش المدرسة من غير فطار عينه على الشارع وبيحيي العلم

في العالم العربي تعيش، بتبص في الساعة وخايف نشرة الأخبار تفوت

علشان تشوف ع الشاشة ناس

في العالم العربي

تموت

نسيت تقول وعجبى

شكرا لك وانتظر المزيد واتمنى اكون متابع جيد

تحياتى

عظيم جدا
شكرا على الموضوع

شكرا لك تلم ايدك ياهندسة

bravo 3alik ya ibn ennil! akid el 3adela elli binab7ath 3aliha fou9 3and Rabna fi sema2 mouch fil al arth leken el karama 7an5alliha de5elna w n3almouha lel atfel W Allah el mosta3an

شكرااااااا على الكلام المعبّر
واللى للأسف حقيقى وبنعيشه
تسلم الايادى

متشكر لكل الناس اتمنى ان القصيده تكون نالت اعجابكم بس كان لازم تتحط ف الوقت ده عشان نصحى عروبتنا شويه ونقدر نكمل المشوار وايدينا ف ايدين بعض وشكرا