لو أصبحت عضو مجلس شعب

لو أصبحت عضو مجلس شعب
لدورة مدتها خمسة أيام
ماذا كنت فاعل؟؟
سؤال لكل الأعضاء
هل نستطيع أن نتحاور

هل يوجد من يستطيع أن يكون
عضو مجلس شعب ؟

بداية دعنا نتفق ان مهمة عضو مجلس الشعب فى اى دوله من دول العالم هى تشريع القوانين ومراجعتها وفق صحيح الدستور.ومراقبة الحكومه وسحب الثقه منها ان حدث تلاعب بالقانون او بالدستور وسحب الثقه ايضا من الرئيس لنفس الاسباب . اى ان عضو مجلس الشعب لابد وان يكون دارسا للقانون.
اما الخدمات فهى من مهام المجالس البلديه والمحليات --- ولكن هنا فى مصر الاوضاع (مقلوبه) بمعنى ان عضو المجلس لابد وان ترضى عنه الحكومه والرئيس الذى له سلطة حل المجلس (بدون استفتاء شعبى) حسب التعديلات الدستوريه فى2007 والمجالس المحليه عائمه على بحور الفساد...
مما سبق اذن تسالنى اذا كنت عضو مجلس شعب لمدة خمس ايام ماذا سافعل...ياااااااااااااااااااااااااااااااااااااااااااااااااه
ده انا هانهب نهب......
ايه ماتستغربش الاوضاع اللى موجوده بتضطرنى لكده ودى فرصه لانى دخلت المجلس لمدة 5 ايام (سنين) وبعد كده يا عالم هاكون جواه ولا لا . لانى مثل اى وزير مش عارف ليه دخل الوزاره وباى مقاييس وليه هايخرج منها
باقول لك ايه يا عم الموضوع طويل ومعذرة للاطاله فى الرد-----------------وشكرا...

scorpio
شكراً على الحوار
فلقد توقعت أن تكون أول المشاركين
أولا : أعتذر فالمقصود دورة خمسة سنوات
ثانياً: أتفق معك أن وظيفة العضو هى مناقشة القوانين والتشريعات
وأن الخدمات وإنهاء المصالح الخاصة بالمواطنين هى من مهام المحليات
التى إنتشر فيها الفساد وإستوطن
ولكن هوالحل أن اللى يلحق يخطف حاجة يخطفها؟
وملعون أبوالباقى
أنا لا أعتقد أن هذا هوتفكيرك
وإلا فعلا الدنيا السلام
فمقالاتك تطالب بالتغيير
والبردعى يطالب بالتغيير وأنت تناصره
ثم بعد أن تصبح عضو مجلس شعب
تنهب نهب
طيب ...... والناس ؟؟؟؟؟؟؟

محتاج ايه من شعب قال عليه (مفيد شهاب) فى سؤال سئل له عن التعديلات الدستوريه فى مؤتمر بالاسكندريه قال بالحرف الواحد وبدون تحريف... الدستور بتاعنا --نظبطه--نقلبه--نعدله--نعدله بفتح العين--احنا احرار ومن ينتظر ثوره من هذا الشعب فهو نبى من انبياء هذا الزمان...
ايه رايك فى الجمله الاخيره . شوفت استخفاف بشعب زى الشعب المصرى
اى احتقار ووضاعه يتعاملون بها معنا
اقسم بالله لو قيلت هذه الجمله فى دوله محترمه لعلقت له المشانق ولكنه يعرف اننا شوية (معذرة) نعااااااااااااااج.
وبالمناسبه عندى امثله كثيره لمسئولين استقالوا بسبب ذلة لسان لانهم يحترمون شعوبهم.لانها دول محترمه ..
فعلا (اذا امنت العقاب اسات الادب)
وشكرا