أسئلة مهمة لمؤيدي التوريث :

1- ما هو عمل جمال مبارك ومصدر رزقه ؟
2- ما خبرته في السياسة غير أنه هبط بالبراشوت علي لجنة السياسات؟
3- ما موقف الأخوين جمال وعلاء مبارك من التجنيد ؟
4- ما مصدر ثروات الرئيس وأنجاله التي تقدر بالمليارات حسب ما نشر ببعض المجلات الأمريكية والأوربية؟
5- ما موقف الأخ جمال من التزوير في كل الإنتخابات؟
6- ما موقف الأخ جمال من تهريب الآثار وفرض الإتاوات علي تحويل الأموال الضخمة من الخارج أو علي القروض البنكية التي تخرج بدون ضمانات؟
7- ما موقف جمال من جرائم أبناء الكبار (الوزراء ورجال أعمال السلطة؟
8- ثم إن جمال ده موش موجود معانا في مصر من زمان وشايف كل المشاكل والجرائم والفساد ومشارك كمان في بعضها ؟ هل تاب وأناب إلي الله وعايز يكفر عن سيئاته وسيئات أبوه ويرد اللي سرقوه ويحيي اللي موتوهم ؟ طبعا لأ....... دي منتهي البجاحة والإستعباط وفاكرين إن الناس أغبي من أعلي مستوي للغباء الطبيعي، الناس كلها عارفة جرائم النظام ولو جمال وأسرته عندهم ذرة آدمية يلموا هدومهم ويطلعوا سويسرا جنب البنوك اللي فيها فلوسنا اللي بيسرقوا فيها من تلاتين سنة وينتظروا أحكام المحاكم المصرية .

الاول جمال بيه مبارك اللى يرد بنفسه لان ممكن له مواقف مختلفة مع النظام وان كان عضو فعال فيه ولكنها منظومه وهو عضو فيها

وصعب انا او انت نحكم على واحد غير معروف على الاقل لبعدنا الحقيقى عنه وعن اقرب الناس ليه

الواقع دائما يحتم على الانسان فعل مالا يقبله حين لايكون مسؤل لكن موقفى لا يعفيه من المسؤلية حتى الان فيما يحدث فى بلدنا من بطاله وانهيار اقتصادى وانعدام الكرامه المصرية داخليا وخارجيا عدم النظام الجهل التام العام

مش معقولة بلدنا تكون مسرح عرائس لا يسفيد منها سوى من يحركوهم

اتمنى بجد لو الاستاذ جمال مبارك يقدر يشارك ويجاوبنا بنفسه ويقرب مننا لاننا نقطه فى بحر الشعب نحمل القليل من الثقافة والوعى ونتمنى ان تزيد

شكرا لك