ظالمين الريس

القصيدة سياسيه ساخرة


أنا مابخفش وحفضل أقول

كلمة حق عليها مسؤل

إن الريس راجل طيب وبشعبه دايماًَ مشغول

مشغول إنه يلم فلوسهم

بره سويسرا يحوشهلنا

وف حسبات سريه يشلها .....نفسه يأمن مستقبلنا

شفتوا إزاي بقه قلبه رحيم

عنده إيمان وضميره سليم

بيجوعكوا لجل تخسوا

آه يا شعب محتاج لرجيم

من جهلكوا بتقولوا بطالة

وإن الأحوال مش شغاله

دا الراجل نفسه يريحكم

هي الراحه تبقي عواله ؟؟

أما حكاية المنتجعات

ليه بتسموها معتقلات ؟؟؟؟

ليه الظن...... وسوء النيه

نفسه يفسحكوا يا بهوات

أما الكرسي واللى تقال

دا كلام مش محتاج لسؤال
الغلطه دي غلطتنا يا عالم

إن مجبناش كرسي تيفال

والله إنتوا ظالمين الراجل

ضيع عمره ومين يستاهلffffffffffffffffffff

حتى الأكل بيكله بدالنا

طالع واكل نازل واكل

ماله الريس بعد دا كله ؟؟؟ :

من روائع ( أحمد فؤاد نجم )l

نورت المحكمة يابو على

مشكور على النقل الرائع والمميز

جميلة وربنا يستر ههههههههه

أصلي بعيد عنهم فعشان كده بتكلم براحتي
المسافة ما بين الامارات وبينهم كبيرة
فالواحد يتكلم براحته

وشكرا ياسلكاوي

والله يا أبوحميد
أنا كنت ظالم الراجل ده
لغاية ما قريت القصيدة بتاعم
أحمد نجم

فعلا عرفت قد إيه بيعمل لمصلحتنا