يا مصرى...ده رايى فيك بصراحه-

(بيقولوا الصراحه راحه)
ومعلهش استحملونى اصل انا سخن شويه فى عز البرد ده
والمحصلة اننا شعب يستحق ما يحدث له شعب نايم تائه اناني بيكره بعضه بيتعنطظ علي بعضه اليط علي الفاضي اقرع ونزهي بيتريأ علي كل الشعوب وهو اراجوز لما واحد ينضحك عليه بيقول انا هندي وللاسف الهند فيها اعظم ديموقراطية في العالم اعظم من امريكا وعندهم انزه انتخابات في العالم ولا يوجد هناك بلطجية بسنج ومطاوي ولا يوجد احمد عز ولا يوجد افاقي التليفزيون المصري والمعارضه الحكومية واحزاب العجزة والمعاقين وكارهي الدين والدنيا احنا شاطرين فقط في التهليل وكفاية علينا الكورة واللعيبة الخلوقه انا مال امي ومال اخلاق اللعيبة .ابو تريكة قديس ولا فاسق انا ها عمل به ايه. كلهم حزب وطني وكلهم راحوا يهللوا لجمال مبارك. دي لعيبة الكورة هذه هي ادوات النظام لتخدير هذا الشعب التائه التافه الا من رحم ربه شعب مغيب من 58 سنه عجاف لا يشارك في اي شئ وييجي واحد افاق ويقول لك الحزب الناصري ناصري مين ياعم انت اصلا فكرك ايه وفكر ناصر بتاعك ده كان ايه كان مجرد ضابط جيش حظه حلو مسك البلد بالحديد والنار واول شئ عمله القضاء علي الديموقراطيه والانقلاب على محمد نجيب ونشر الظلم والاستبداد كفاكم صدعتونا وحزب تاني اسمه التجمع كل شغله الشاغل الهجوم علي الاخوان اكتر ما بيهاجم اسرائيل هو وزعيمه العجوز المستانس رفعت التعيس وغيره وغيره وسيد البدوي شحاته اللي النظام استعمله للقضاء علي الجريدة المحترمة وفي الاخر اخذ بمبه في الانتخابات ومرشحينه انضربوا علي قفاهم والله الوحيد النظيف كان الراجل البرادعي الي عرف ديتها ولم يجد اي مسانده شعبية والحكومة شرشحت له في قنواتها الفاشله وطلعوه افاق وادعوا علي بنته علشان يزهق هي دي مصر وهذا هو الشعب المصري الذي حكمه كافور الاخشيدي العبد الزنجي الذي هجاه المتنبي والله لم ولن نتغير ابدا واذا اردنا ان نتغير لازم نبدا من الصفر من المدرسة بثورة شعبية يروح فيها ضحايا كما فعل الايرنيون لكن اين نحن من الايرانيين كل همنا انهم شيعة واحنا سنه عملنا ايه بسنتنا و3/4 الشعب ما بيصليش واللي بيصلي بعد ما بيخرج من الجامع بيكذب وروح شوف اي صلاة جمعه قسما بالله مافي حد بيعرف الخطيب بيقول ايه و اصلا الخطيب بيبقي كتير جدا واقف يخرف ويتكلم في اي قصص اي طفل ممكن يحكيها قبل النوم وكل اللي قاعد مستني الخطيب يخلص علشان يشتري الاهرام يشوف اسامه سرايا باخخ ايه النهارده في الاهرام وبينافق ازاي ويقرا صفحات الرياضه الممله والمقالات الممله بتاعة حضرة الضابط ابراهيم حجازي اللي عايش وواجع دماغنا انه كان مراسل سنة 73 ومعلق صورته في الاستوديو من خلفه ههههههههه شعب لذيذ مستنطع في امها لو تتبعت تاريخه والله عمره ماثار علي حاكم تخيل شعب يجتمع ساداته برئاسة عمر مكرم علشان يطلبوا من واحد مش مصري يحكمهم وهو محمد علي لكن ياريت كل حكام مصر كانوا محمد علي والله انا ممكن اكتب مجلدات في هذا الشعب حتي رمسيس الثاني الافاق ضحك علي الشعب وقال له انا انتصرت اتاريه عمل معاهده صلح في الكتمان مع ملك الحيثيين واتجوز بنته وضحك علي الشعب كذلك احمس عمل قعدت عرب مع الهكسوس وسابوا مصر بعد لما زهقوا علشان قعدوا فيها كتير ووجدوا ان مفيش حد زعلان والشعب زي الفل ومبسوط من الاحتلال ولا يثور في الاخر قالوا يالا نمشي بعد 700 سنه وغيره وغيره وثورة 19 الشعب كان بيهتف لسعد وليس لمصر طول عمرنا نهتف للفرعون عوضنا علي الله .
ايه اتضايقتوا من الكلام...طيب ردوا عليا وهاتوا لى دليل واحد ان احنا غير كده