رساله الى كل من يقول نعم ماذا تريد؟

اولا صوتك امانه فلابد ان تدلى بصوتك بنعم او لا بما تقتنع بيه فلابد ان تعلم الصلاحيات التى ستعطيها للرئيس القادم اذا قلت نعم:
الصلاحيات المعطاه لرثيس الجمهوريه ف الدستور المعدل ده اذا اتعدل ان شاء الله هيتغير
سوف يكون الرثيس :-
1-رثيس الدوله ف الماده 73
2-رثيس السلطه التنفيذيه ف الماده 137
3-رثيس المجلس الاعلى ف الهيثات القضائيه فى الماده 173
4-قائد القوات المسلحه ف الماده 150
5-رثيس هيثه الشرطه ف الماده 184
6-رئيس مجلس الدفاع الوطنى (اجهزه المخابرات الخمسه )ف الماده 182
7-رئيس مجلس الوزراء اذا حضر اجتماعاته ف الماده 142
8-له سلطه حل مجلس الشعب ف الماده 136
9-الشورى ف الماده 204
10-يعين ثلث اعضاء الشورى فى الماده 196
11-له حق اصدار القوانين والاعتراض عليها ف الماده 112
12-له حق اعلان الطوارئ فى الماده 148
ومن خلال كل هذه الصلاحيات قررت ترشيح نفسى للرثاسه بعد كل ده وعايز تقول نعم طب لا والف لا

اردت ان اوضح فقط وجهة نظرى فى اننا اذا قمنا بتعديل الدستور سوف يكون الحاكم بيده كل هذه الصلاحيات يعنى بالبلدى كدا حد يلاقى دلع ومايدلعش يبقى نرجع تانى نلوم نفسنا وليه نلحق من دلوقتى والله الموفق

شكرا باشمهندس صلاح ووصلت الرسالة ولك حرية التعبير

وكلما صوتك كان قوى اكيد فى امل اكبر ان صداه يكون اقوى

مش هاخاف اعبر عن رايى طالما بحترم رأى غيرى

ومن واجبه يسمعنى ويحترم وجهة نظرى كما سمعته واحترمته

الجو كله ان شاء الله اطار ود وحب وسعى للإصلاح

مشكور على المشاركة والتفاعل

الشعب هو من يصنع طاغية وليست القوانين
الشعب هو من يعطي الفرصة ليتحول الحاكم إلي طاغية
وهل سيأتي الدستور الجديد بسيدنا عمر بن الخطاب ليحكم مصر
أم سيأتي لص آخر وسيسرقنا أيضا - لما لانوفر كل طاقتنا تلك حتي يأتي الرئيس الجديد ونظهر قوتنا - لكن الآن نقول لا - لاجديد - سينشئ الجيش لجنة لوضع دستور - وكل اللعايز يبقي بطل هيطلع يعترض علي اللجنة ويعترض علي الدستور الجديد بردوا - مهو في ساعات الديمقراطية بتأذي شعوب - وهذا الآن موجود بالعراق تخلصوا من طاغية والآن يتمنون رجوعه - والنموذج التونسي الي الآن غير أربع حكومات لأننا كلنا مش هنتفق علي شئ واحد
وخلي الجيش يقعد معانا ويسيب حدودنا مفيش مشكلة - إيه ياعني
مهو حدودنا مؤمنة جدا بدليل ما نراه في ليبيا - وما حدث في السودان وتقسيم السودان - والدور علينا وبكره نشوف
خلينا نغني ونحلم أحلام كبيرة قد تتحول لكوابيس في النهاية

هذا رأيي ووجهة نظري

@hassan elgndy
السلام عليكم ورحمه الله وبركاته.حضرتك قلت ان الشعب هو من يصنع طاغيه صح وليست القوانين طيب ايه اللى حصل ف التلاتين سنه اللى فاتو طيب تضمن منين ان الرئيس اللى جاى ملاك ومش هيغير فى الدستور وانت بتديله صلاحبه تعديل الدستور تمام طيب احنا بنقول انا ا ب ديمقراطيه كالتالى تحديد صلاحيات الحاكم واطلاق الحريه للشعب وكلنا نتفق على ذلك طيب ازاى كل دى صلاحيات للحاكم هه قولى؟!
طيب حاجه كمان الزمن اللى جاى محدش عارف مين بالظبط اللى هيبقى رثيس الجمهوريه وهيترشح ناس كتييييييييير طبعا الكلام بيبقى جميل اثناء الترشح بس بعد كدا احنا الشعب مش ضمنين كدا انه ينفذه عارف ليه لان الوثيقه التى تربط بين الشعب والدوله هى الدستور طيب انا اضمن منين انه يحقق اللى هو بيقوله ادينى عقلك كدا؟!
دم شهداء ثورة 25 يناير لم يروح هدر احنا ماعملناش ثوره عشان نعدل كام ماده فى الدستور احنا عملنا ثوره عشان نهد نظام فاسد ونرجع نبنى من اول وجديد وكلنا ايدينا فى ايد بعض عشان نقدر نوصل دوله كبرى لها رايها السياسى وكلمتها المسموعه طبعا بايدين ولادها
مين قال ان الدستور الجديد هياتى بسيدنا عمر فى ظل حالنا ده والاستهانه اللى احنا فيها والتفريط اللى احنا فيه عمر ماهيجيلنا سيدنا عمر "لا يغير الله ما بقوم حتى يغيروا ما بانفسهم" عشان كدا عمر مش هييجى ماتقلقش بس احنا عايزين نؤيد الحاكم شويه عشان الظلم اللى احنا شوفناه تلاتيت سنه فاتو طبعا قطر الظلم ده عدى على كل المصريين يعنى انا دقت منه وغيرى وغيرى طيب مانا فى غنا عن كدا ليه ماحطش مواد محترمه ف الدستور بحيث ان انا اقدر احجم الحاكم بحيث انه مارجعش خطوه واحده ورا انا انهارده اقدر اغير طيب ماغير عشان اعمل اعاده هيكله للنظام والنظام يبقى ماشى فى اتجاه مصلحه الشعب انما اعطيه صلاحيات كتير وبعد كدا يرجعوا يدوسونا فى سكتهم يبقى احنا كدا اللى فرطنا فى اقل حقوقنا وهى الوثيقه اللى بتربط بينا وبين الحكومه
دلوقتى لو جاء زى مانت بتقول لص اخر طيب احنا هنعمل ايه؟! دى حته حلوه منك وهنظهر قوتنا للرئيس الجديد ازاى؟! هنطلع بمظاهرات تانى داحنا فاضيين بقى !
الديمقراطيه عمرها مابتاذى شعب اى نعم كان الرئيس صدام حسين اهون للشعب العراقى الان ولكن كان الشعب العراقى هيستحمل لحد امتا كان هييجى يوم ويصرخ لان كلنا بنكره الظلم طيب مااولى بينا احنا كنا استنينا الرئيس حسنى مبارك الست شهور دول ودى المواد اللى هو غيرها وكان كمل لحد المده ماتخلص وكنا فى غنا عن التوتر والقلق اللى احنا فيه ده بس احنا ليه قمنا بالثوره العظيمه دى عشان نقول احنا اهوه ياحسنى يامبارك احنا موجودين ودى رساله لكل الزعماء القادمين الشعب ده استحمل كتير بس ادينا بنصرخ وبنقول عايزين حقوقنا
مصر غير تونس واحنا من الاول واحنا بنقول كدا نيجى دلوقتى ونقول النموذج التونسى احنا مش عايزين نتظلم تانىونحن لا نقتدى بااحد احنا المصريين اصحاب حضاره سبعه الاف سنه مش هنقدر نعدى الكبوه دى اشك
اما بالنسبه للجيش المصرى الجيش بتاعنا اقوى جيش فى المنطقه العربيه وقالو نعم للتعديل معمول حسابها ولا للتعديل معمول حسابها برضه يعنى هما قالو ان احنا اد المسئوليه انا اقول الجيش طيب لو الجيش بتاعنا ضعيف السلطه اتنقلت له ليه كانت تتنقل لحد جدير بيها يقدر يتحمل مسئوليتها بس محدش يقدر يشكك فى قوه الجيش المصرى ودى حاجه انا متاكد منها عن كثب
احنا لو فضلنا ماسكين فى الدستور المرقع ده يبقى فعلا هنفضل دول ضعيفه عشان كدا لازم نكون مطمع للجميع انما لو احنا بنينا نفسنا وقدرنا ان احنا نتحول بمصر الى دوله صناعيه كبرى ودوله اقتصادها قوى مين اللى هييجى هنا ويقولك بم محدش هيقدر لانهم عارفين انك دوله قويه مش ناميه واحنا اللى نقدر نحولها وبايدين شبابها ان شاء الله
المفروض اننا كلنا عايزين نغير البد من دوله فقيره ناميه الى دوله ع الاقل بتكفى احتياجاتها فى فتره وجيزه ممكن فى السنين اللى جايه نزيد عما على عمانا طيب وليه انا بحلم ان بكره يكون احسن مش كل مانطلع خطوه قدام تلاقى واحد خدنا ميت خطوه ورا وده بدافع الخوف عايزين ننجح نصنع نزرع ننتج نعمل كل حاجه عشان نقدر نعدى كبوتنا اللى احنا فيها وطبعا كل ده مش هيحصل الا لو الدستور اللى بيربط الشعب بالدوله بقى فعلا يقهلنا اننا نتقدم للامام مش يرجعنا ميت سنه ورا وبعدين كان اولى بينا اننا لانعمل ثوره ولا بتاع ماحنا كنا حلوين باه مجلس الشعب مزور مجلس الشورى مزور واللى يدفع هو اللى يلحق وكانت بقت كدا باه ماهى هيصه البلد دى ماكانتش بلدنا لحد الثوره كانت بلد رجال الاعمال انما بقت بلدنا بصحيح لما الشباب المحترم شباب الفيس بوك قامو بثوره 25 يناير لهم الفضل كله وتحياتى لشهدائى الثوره
طبعا انا بقول الكلام ده بعد نتيجه الاستفتاء ماطلعت اصلا يعنى بس كل المصريين سواء قال نعم ال لا لازم كلنا نكمل ونحط ايدينا ف ايدين بعض عشان نقدر نعدى دى وجهة نظر قد نختلف قد نتفق ولكن الاختلاف ف الاراء لا يفسد للود قضيه والسلام عليكم ورحمه الله وبركاته وشكرا.