احلى صينيه مكرونه بالبشاميل باللحمه المفرومه

اليوم هقدملكم أكلة جميلة أتمنى إنها تعجبكم

وهــــــــــــــى:
((صينية مكرونة بالبشاميل باللحمة المفرومة))

المقادير:
كيلو مكرونة مسلوقة
نص كيلو لحمة مفرومة متعصجة
صلصلة الباشاميل
بيضتين مخفوقين
توابل
وملح وفلفل أسود

الطريقة:
-أولا: المكرونة

في إناء به ماء وملح نضع المكرونة علي النار لحد الغليان
ونقلبهاونتركها لتنضج وتطري وبعدها نقوم بتصفيتها جيدا
ولانقوم بغسلها حتى لاتفقد النشا الموجود بها.
ثانيا: اللحمة المفرومة المتعصجة
نص كيلو لحمة مفروم
بصلات كباااااااااااااااااااااار مفرومين
3 فلفلات رومي مقطعين صغير
معلقتين زيت
توابل(ملح فلفل اسمر)
نضع الزيت في الإناء ومعهم البصل ونسيبهم علي نار
هادية خالص لحد ماتدبل وتصفر شوية صغيرين.
ثم نضيف الفلفل الرومى المقطع ونتركهم حتى يدبل الفلفل ع النار الهادية.
ثم نضيف اللحمة المفرومة والتوابل.
ونسيبهم ينضجوا كويس ع النار الهادية.

ثالثا: صلصة الباشميل

معلقتين سمن
5 ملاعق تقريبا او 6 ملاعق دقيق ابيض
كيلو حليب
ملح وفلفل اسمر
بيضة مخفوقة جيدا.
-بإناء نضع السمن ونسخنها كويس.
ثم نضيف الدقيق ونقلب جيد ا.
لتتشرب السمن ثم نضيف اللبن حوالى نص كوب.
ونضيف التوابل والبيضة.
ويفضل أن نقلب بالمضرب اليدوي
عشان لو في اي حاجة مقلقعة تفك وتصبح الصلصة جاهزة.
ونأخذ جزء من الصلصة
ونترك الجزء الآخر بالإناء ونضع المكرونة على الجزء الموجود بالإناء ونقلب
كويس .
وأخيرا :تجهيز الصينية

نجهز الفرن
ثم ندهن الصينية بالسمن ثم نرش عليها دقيق ونوزعه فى جوانب الصينية كويس ونزيل الدقيق الزائد
ونضع في الصينيه نص المكرونة المخلوطة بالصلصة
ثم نضع اللحمة المفرومة
ثم نضع النص الآخر من المكرونة
ثم نوزع الصلصة المتبقية
وبعد ذلك نضع عليها البيضة المخفوقة التانية بالتوابل (ملح وفلفل)
ونوزعها علي السطح
وندخلها الفرن ماتنضج ولونها من فوق يصفر كده ويحلو.
وبألف هنااااااااااااااااااااااااااا وشفا
ويارب تعجبكم.