التعديلات الستوريه أول دليل علي تراجع الثوره وخمولها

يا جماعه لازم نعرف يعني ايه كلمة نعم وبعني ايه كلمة لا

ولازم نعرف ان احنا قطعنا مشوار كبير بس لازم ننهيه صح ونكمله للأخر وإلا هتضيع قيم معاني الثوره

علي فكره انا هقول لا ولازم كلنا نقول لا لتعديل الدستور

انت هتقول ايه ؟؟؟؟؟ وليه ؟؟؟؟

هقوووووووووووووول نعم

ده رأيك ولازم احترمه
بس ياريت تقولي اسباب قبولك للتعديلات الدستوريه

انا هقوول نعم للتعديل عشان يبقى لكل شى حدود
مده الرئاسه محدوه مش كل رئيس يدخل ومايخرجش ويقعد يعمل اللى هو عايزه فينا
ولالغاء قانون الطوارى اللى ممكن يخلى الشريف حراامى لوحصل حاجه فى البلد يجيبوا المشتبه فيهم من قبل ويقولوا هم دول اللى عملوا كده
ليييييه؟مايمكن بقوا كويسين
باى حق يعملوا كده
اه ممكن يكون مهم فى بعض الحالات وليس كلها
ولتنفييذ قضاء كامل
وحضرتك ماقولتش ليه هتقول ...لا...

لاول مرة منعرفش النتيجة ممكن تكون ايه

ياؤب تكون لصالح مصر

على كل الاحوال هقول نعم

للحفاظ على مكاسب الثورة

انا هقول لا طبعا

وعايز اسأل سؤال من امتي الاخوان المسلمين بيقولو نعم علي حاجه
علي فكره لحد دلوقتي مفيش جهه منظمه بشكل كافي لتتعامل مع البلد غير الاخوان المسلمين وده لازم نعترف بيه وفي حالة قبول الدستور هيبقي هما الي في الصور وهيكون ليهم اليد العليا في البلد

ويعني ايه قبول تعديل مواد من دستور فاشل
الدستور ده هو الي ضمرنا وخلانا اخر بلاد العالم رغم مواردنا الكتيره

وعايز اعرف ليه المجلس العسكري ميفضلش الفتره الجايه ماسك البلد والشرطه تنزل والجيش يخرج للحدود ونستني فتره علي ما تتجمع احزاب مننا كشباب مصري بعيد عن كلمة معارضه

حد فيكم هيقبل البرادعي الي ملك العراق لامريكا رئيس ليه
ولا ايمن نور الي كوندليزا رايس قعدت في بيته اسبوع

ولا سيد البدوي ولا حمدين صباح الي مستنين الفرصه من سنين علشان يمسكو البلد وبذلو شتي الطرق والاساليب المشروعه والغير مشروعه

ولا الاخوان

عايز حد يرد

1- ما هو التخوف الشخصى من الاخوان
2- ما هو دليلك على ان د. البرادعى هو الذى ادخل امريكا العراق
3- ما هو دليلك على ان د. ايمن نور استضاف كونداليزا رايس فى منزله لمدة اسبوع مع ان اكبر زياره لمسئول امريكى يومان فقط وهل هو بهذه القوه (اذن هو افضل من يقود مصر)
4- هل العمل على الوصول للحكم من قبل السيد البدوى او حمدين صباحى او الاخوان عمل غير شرعى او محرم او عمل اجرامى (ياريت تجاوبنى انت)

اولا اتمني اتشرف بإسم حضرتك

ثانيا انا مش بقلل من قيمة الناس الي فاتت كلهم بس لازم نتحاور ونشوف الافضل واذاكنت هتقدر تقنعني اوكي انا معنديش ادني مشكله

الاخوان المسلمين مكنش ليهم اي علاقه بالثوره المجيده ومع ذلك نزلم وقالو بعد كده انها ثورتنا وسعيهم الواضح للحكم من اكتر من 70 سنه لازم تعرف ان وراه غموض كبير لازم نعرفه ولازم برده نخاف منه وانا عايزك تقرب اكتر من حد من الاخوان وتحاول تفهم فكره
ومع ذلك فأنا اكن كل الاحترام ليهم

أما دليلي علي ان د البرادعي هو من ادخل امريكا العراق.
مين قال ان العراق فيها اسلحة دمار شامل غيره لما كان هو رئيس هيئة الطاقه النوويه وهو الي طلب من مجلس الامن انه يدخل وبشكل فوري لان الاسلحه دي هتشكل خطر علي المنطقه

هل فعلا كان فيه نووي في العراق
وعلي فكره لما زار اسرائيل قال ان الي عندها مفاعلات سلميه لا تشكل اي خطر علي المنطقه

المحترم ايمن نور
معني ان تنزل وحده بحجم الملعونه كوندليزا ريس وتخرجه من المعتقل وتقعد في بيته اسبوع بشهادة زوجته فده مش الاصلح زي ما انت بتقول ده دليل علي علاقته الواضحه بأمريكا ويبقي مبروك علينا العميل الامريكي الجديد
ايمن نور انا شخصيا قابلته في مظاهره في رمسيس في القاهره وكان ماشي في اولها وماسك ايد رامي لكح رجل الاعمال الشهير الي سرق فلوسنا وهربها بره مصر
ده ينفع يكون رئيس دولتك

الظاهر انك مش متابع للساحه السياسيه كويس

وع ذلك شكراااا

هذا هو تقرير البرادعى الذى تقول انه ادخل امريكا العراق مع انك اذا كنت بالفعل تتابع الاعلام المحايد وليس الاعلام المصرى البائد المتخلف كنت عرفت الحقيقه وكنت عرفت ان امريكا دخلت العراق بتواطؤ الدول العربيه واولها مصر ومبارك بتاعك الذى كان يقوم بالتسويق لضرب سوريا بعد العراق ولكن سوريا انقذت نفسها ووقعت اتفاقية دفاع مشترك مع ايران مما جعل امريكا تتراجع بلاش نلقى الاتهامات جزافا
اما بالنسبه للاخوان فهم من اول يوم فى المظاهرات كانوا ينزلون (كافراد) وانا كنت من اول يوم فى المظاهرات ورايت ذلك بنفسى . اما الاخوان كجماعه فقد انضموا للمظاهرات من يوم الجمعه 28 يناير ولا يوجد لهم اى تصريح بانهم قادوا الثوره بل بالعكس كانت اى اسئله توجه لهم بانهم كانوا حتى اكثريه كانت دائما اجابتهم بالنفى ويقولوا ان هذا شرف لنا اذا قمنا بهذه الثوره ولكن من قام بها هو الشعب.. هذه هى تصريحات الاخوان.. اما عن وصولهم للرئاسه فهم قالوا انه لا يوجد مرشح لهم للرئاسه مع ان هذا ابسط حقوقهم.
اما عن د.ايمن نور فكل هذا كلام مرسل ليس له اى اساس من الصحه وارجع للتاريخ وتابع كويس علشان تعرف الحقائق
ومعذرة للاطاله

بص يا سيدي الفاضل
اذا كان مبارك تواطئ علشان ميدخلش البلد في مشاكل مع دول انت عارف ان احنا مش قدها وده لأنه كان ماضي معاهدات علشان قناة السويس
وده مش دفاع عنه ولا حاجه هو كان لازم يرفض ان السفن الحربيه تعدي من قناة السويس
بس نتخيل انه رفض يبقي هنقع في مشكله علي الفاضي كانت امريكا كده كده هتخش العراق لأن ليها قواعد كتير جدا في قطر والسعوديه وغيرها

وماشي وافتراض ان مبارك ده عميل
هل البرادعي لما يكون ده تقريره يبقي مش عميل
انا لو مكانه وحاسس اني هيتمارس عليا ضغوط كان استقال من منصبه
يبقي احنا هنشيل عميل ونجيب عميل
يا حلاوه
حاول تتابع الاحداث كويس
اما المحترم ايمن نور فكلامي عنه كله من برنامج الطبعه الاولي للمسلماني الراجل الي مفيش غبار علي مصداقيته
وبرده ليه مقولتش ليه ماشي مع رامي لكح ايده في ايده

وايه نوع الاعلام الي انت عايزني اتابعه قناة الجزيره
ههه حاول تشوف البرامج الوثائقيه الي عملاها عن السادات وجمال عبد الناصر وانت تعرف ايه عي الجزيره
والقواعد المتمركزه في قطر لأمريكا
هو ده الاعلام المحايد صح ؟؟

للأسف احنا بقينا بنهيص علي الفاضي

وبرده شكرا علي ردك

يبدو انك لم ولن تقتنع ويبدو انك غير قارئ للواقع نهائيا ولا تعرف طبيعة العلاقات الدوليه من الاساس ولا كيف تدار المؤسسات الدوليه . وهذا ليس اتهاما ولكنه وصف لردودك..
وشكرا

مش عارف والله مين فينا الي مش مدرك
وعموما الاختلاف في الرأي ............................

وبرده متشكر

لا للتعديلات الدستوريه

مش لاوم نضيع حق الشهداء الي ماتو في الثوره

بردوا نرجع ونقول الصح لا للتعديلات الدستورية