الحزب الوطنى يفجر مفاجأة فى دائرة بنى عبيد

سياسة الحزب الجديدة تحرج الكثير من اعضاؤه بل وضعتهم فى منافسة شديدة يتعجب منها حتى الاحزاب الاخرى ....
فاجأنا الحزب الوطني بثنائية اختيار الاعضاء بل وثلاثية فى دوائر اخرى , كل ما يهمنا هو دائرة بنى عبيد التى وصفت بأنها وضعت النار بجوار البنزين وهذا دليل على ان الدائرة ستشتعل وسط روح المنافسة القوية بين قطبيها مرشح قرية سلكا اخر الدائرة شمالا م / حسن المير ومرشح قرية بنى عبيد سنتر الدائرة واكبر عدد للناخبين حيث يتم فرز الاصوات هناك دكتور / مكرم رضوان ولا اعلم صراحة كيف اختاره الحزب من اول مرة ...؟؟؟ حيث ان المهندس حسن المير كان هو مرشح الحزب للدورة المنقضية 2005 اى انه ابن الحزب والاخر اخو عضو التجنيد د/ هرماس رضوان وكأنها الحرب الباردة .... اليكم جدول الترشيح بالحزب الوطنى فى محافظة الدقهلية

الصورة منقولة عن الموقع المذكور اعلاه
الصورة بحجم كبير فى هذا الرابط
https://2img.net/r/ihimizer/img210/553/69823584.jpg

وترقبوا قريبا حوار صحفى مع مرشح الحزب وابن قرية سلكا م/ حسن المير

القى الرئيس محمد حسنى مبارك خطاب مع قيادات الحزب الوطنى وفهمنا من خطاب سيادته ان 4 مليون وظيفة حصل عليها الشعب الحمد لله انا مش مهنم وفى تقريبا زيهم فى المرحلة القادمة وطبعا احمد بيه عز كان حزين وزعلان لان كان عنده حالة وفاة ولا يمكن خايف من بكرة وفهمنا من كلام سيادته ان فى منافسة شرسة ستتم بين مرشحى الحزب نفسهم وان الاختيار تم على اساس عملية مؤسسية وبيشكر اللى ما حالفو الحظ واختارو الحزب وشكرا

أقسم بالله العظيم ( لو كان حسن المير دا ما فيه خير لله لكان نجح _ بس دايما تقول الحق احق ان يتبع والحمد لله النجاح كان يوم انهيار الحزب الوطني _أي جميع اركانه وهياكله والحمد لله ان م/ حسن المير كان دا مصيرة لان ربك دائما يعلم بما يأن مافي القلوب والاعمال
وارجوا منا لله سبحانه وتعالي ان نضع ايدينا مع مرشح الشباب رجل الخير للأعماله ولله سبحانه وتعالي ونبتدي نقبي ايد واحدة لنرقي من جديد نفسي اشوف بلدي خير بلد لخير شعب لخير امه ...والله المستعان ’’’’’’

يمكن إحنا بنات وكمان صغيرين آه وملناش في السياسة ويمكن مش فاهمين حاجة
ياريت اللي بيدافع عن كل واحد قام بتمثيل الحزب الوطني سواء المير أو الدكتور ضوان واخوه هرماس - يمكن أنا أسمع إني هرماس عمل ليلده كتير أيام ماكان عضو في المجلس
ياريت الناس اللي بتدافع تقولنا علي شوية من الحاجات الكتير اللي عملها عضو مجلس الشعب المهندس حسن المير
غير طبعا الحاجات دي اللي بتتقال عنه والله أعلم هي صح ولا غلط وياريت حد يفهمنا ومن الأشياء اللي أذكرها :-
1- قام بإيقاف إنتشار السرطان في البلد بسبب الكيماويات المسرطنة ( اللي مش بيتاجر فيها )
وقالت لي صاحبتي وهي ابنة دكتور مشهور في بلدنا أنه لا توجدأسرة إلا وبها مصاب بالسرطان فمن مسئول عن ذلك.
2- طبعا أثناء ما كان عضو كنا فعلا بنلاقيه بيهاجم الحكومة وبيعمل استجاوبات كتير .
3- طبعا مشغل نص شباب بلدنا وبيديهم مرتبات كبيرة جدا حتي إنهم مش بيعرفوا يصرفوها في إيه .
4- كان عامل مؤثر في إن الناس باعت أراضيها عشان الغني الفاحش بتاع الناس فباعت أراضيها له لأنهم خلاص مبقوش عايزين يتعبوا .
5- طبعا غير إن حواليه حاشية عاملة بالظبط زي حاشية حسني مبارك بتغني وتهيص وخلاص .
6- الثراء الفاحش ده عايزين حضرته يوصف لنا الطريقة الحلال اللي عمل بيها الثروة دي عشان نعمل زيه ومش نعمل فلوس من تجارة حرام سواء مخدرات أو مبيدات مسرطنة .

ياريت بقي نفوق واللي غلط غلط - بس منبقاش بنقول كلام في الهوا وخلاص.

في إنجازات كتير حضرتك غافلة عنها ومش ذكرتيها :
1- كراتين رمضان اللي بيطلعها من زكاة المال بتاعته واللحمة بتاعت العيد .
2- كان صديق وفرحان بأنه صديق لأحمد عز .
3- شعبيته الجارفة في البلاد اللي حوالينا .
4- المصانع اللي عاملها في سلكا وستاد سلكا الرياضي .
5- مسجد سلكا .
6- قهوة قمر .
7- قناة الفرسان .
8- عندنا نتيجة في البيت عليها صورته .

كفاية كده ولا أقول كمان
أرجو من حضرتك تذاكري كويس وتعرفي إن الأرزاق بيدي الله وكفاية بقي خوف
الناس كلها بطلت خوف ونفاق خلاص

كرتونة اية

ولحمة اية

كرتونة ب 200جنية

وكيلو لحمةب50 جنية


دى الخدمة اللى عضو مجلس الشعب قدمها ليكوم

وقال اية سلكاوى مش منافق دا كلامك نفاق

مش معنى الكلام دة انى مبحبش حسن المير

لا انا بحبوا بس اظن اهل البلد مش عارفين

مصلحتهوم فين

وعلى فكرة ياسلكاوى عضو مجلس الشعب

فى ايدة سلطات كتيرة منها انة يقدم لك حاجات كتيرة

يعنى لة يوظف فى السنة 5 وظايف حكومية واظن

هو موظف الاقارب فى البترول والكهرباء والعدل

دا دى ابسط حاجة ياباشا نتكلم فيها

ياسلكاوى متخليناش نتكلم ونفتح فى القديم

ده بالظبط اللي أنا أقصده يا أستاذ أحمد وأنا أحييك علي شجاعتك الكبيرة قوي
وطبعا توقع دلوقتي التعليقات اللي هتيجي ورانا هتقول إيه واتفرج وشوف
ولو حضرتك تأملت كلامي كويس هتلاقيني أقصد المعني اللي إنت وصلتله واللي الأخت وصلتله - ياعني كفاية بقي نقعد نغني ونطبل ونهيص
ده زمن الحقيقة والصدق
مش الكدب والنفاق
وشكرا ليك يا أشجع واحد في سلكا وأحييك علي صراحتك العالية

ياريت يا جماعه مانشغلش بالنا باللى فات لان خلاص الحزب الوطنى كان ماضى وانتهى واى حد يعطى صوته لمرشح سابق فى هذا الحزب يا جاهل يا مستفيد ولا يهمه مصلحة الوطن (نعم) مصلحة الوطن وليس مصلحة سلكا لانه اذا صلح الوطن صلحت بلدتنا ولابد ان نعرف ان النائب عن دائرتنا واى دائره اخرى سيكون نائبا عن الامه . اذن لابد ان ننتخب الاصلح لمصر بالمفهوم الشامل لان مهمة العضو الاصليه ليست (خدمات) بل مراقبة الحكومه وتشريع القوانين اى لابد وان يكون على علم بالقوانين او دارس القانون وان يكون سياسيا وليس (مصلحجيا) اما الخدمات فهى للمحليات وهذا هو الاصل فعلينا ان نعيد التفكير فى المستقبل بالشكل الصحيح . عموما هناك الان مشروع قانون لرفع الحصانه عن النواب قريبا بعدها سنعرف الصالح من الطالح ومن يستحق المجلس ومن لا يستحقه لانه لا يوجد مكان للانتهازيين فى الفترة القادمه وما بعدها .
ومعذرة للاطاله وشكرا للتواصل..

الموضوع دا قديم من 20 نوفمبر 2010 تقريبا بعد اعلان نتيجة الحزب الوطنى بيوم لاعلان اسماء مرشحيها ورموزهم

ما علينا وانا كتبت الموضوع نقلا عن الموقع المذكور اعلاه وغيرت فيه من اسلوبى


ولسنا هنا بصدد التجريح او الدفاع عن احد بعينه او بشخصه ولكم حرية الرأى المطلقة بدون تجريح او اهانه لشخص ما

يعنى الاخ سلكاوى مش منافق انا سمعت ان الحاج حسن وظف اخوه رغم انك مش قريبه ولن اذكر اسماء

لكن انا متفق مع الاخ العقرب ان ما قبل الثورة قد مضى وانتهى رغم الالامه وويلاته لكن كان هذا على مستوى الجمهورية وليس على مستوى محافظتنا او دائرتنا فقط كانت سياسة دولة يقودها حزب معين وكل الدولة كانت تقول سمعا وطاعة والكل مشترك فيما مضى . وهذا رأيى الشخصى رغم انى لا اعفى احد ممن قصر من المسئولية

المهم ان تكون الثورة قد اثرت فينا وتغيرنا بالفعل . وان نحافظ على حقوقنا ولا نضيعها وان نختار الاجدر بثقتنا وكل انسان حر فى احتياره ورأية المهم التوعية والثقافة وعدم الجهل فالعدو الاساسى هو الجهل وهو اخطر من اى حزب

شكرا لكم وسعيد باتاحة الفرصة وعرض الافكار والاراء بلا قيود وصوتكم فى الحسبان

بإعتبار أن لي وجهة نظر خاصة لا أحد يستطيع أن يحجر علي رأيي
أحترم كل الآراء السابقة بلا استثناء وخصوصا راي أحمد
وعلينا أن نستفيد من تلك الثورة في إختيار مصالحنا نحن الشباب
أما بخصوص مجلس الشعب
فأعتقد أنه خلاص زمن الحصانة والحاجات دي خلاص
وأهو حد كان يصدق إن المعلم حسني مبارك يتعمل فيه كده
ياعني دلوقتي لازم بقي يبقي عارفين
1- عايزين إيه من المرشح اللي جاي .
2- والأخطر من كده إن سلكا بعددها لا تمثل عدد كبير في الدائرة مقارنة ببلاد كثير تبع الدائرة ولذلك لا أدري ما هو المخرج لذلك .
3- علي أهل القرية أن يجتمعوا ضد التفرقة من أي شكل وأن يكونوا علي قلب رجل واحد .

وأنا ضد التجريح في الأشخاص أو السخرية من بعضنا البعض
عملا بقوله تعالي
(( لا يسخر قوما من قوم عشي أن يكونوا خيرا منهم )))
صدق الله العظيم - وكلنا أصحاب ذنوب ومعاصي كثيرة
ولا يوجد سيدنا عمر ليخرج ويحكم بالعدل -
وآسف للإطالة -

تعليق بسيط جدا
على راى محمد هنيدى فى رمضان مبروك ابو العلمين حمودة
( والله ولسة فيكى نخوة يابلد)