البطــاطس الأوروبيــــة

المقاديــــر
4 حبات كبيره من البطاطس
2 ملعقة كبيره من زيت نباتي
ملح خشن او عادي
4 قطع من الزبده
جبنه موزاريلا
قليل من الفلفل الاسود
فويل/قصدير

الطــــــريقـــة


أول خطوه حنشغل الفرن على درجه حراره 180


بعدين حنغسل البطاطس بمايه بارده
ننشف البطاطس بورق الكلينكس كويس جدا
بإستخدام الشوكه حنبتدي نشوك البطاطس في كل النواحي
نضيف الزيت على البطاطس ونخلطهم ونقلبهم كويس جدا



بعدين نضيف الملح وبرضو نتأكد ان نقلبه كويس
حنفتح الفرن ونكون حاطين صنيه او صاج مغلفه بورق الفويل/القصدير
علشان لما نيجي نحط البطاطس على الشوايه وينزل الزيت مايعملش دخان
حنسيبه يتخبز لمده ساعه كامله



حنطلعه من الفرن ونخلي بالنا لان بيكون جدا سخن
وبالسكينه حنقطع البطاطس بالطول
ونلاحظ ان كل الخطوات الجايه لازم بعد طلوع البطاطس مباشرة ماينفعش نستنى لغايه لما تبرد وإلا تبوظ الوصفه
وبعدين بالعرض حنعمل نص فتحه زي علامه الصليب
ومن الجوانب نضغط عليه بالإيد

حنضيف قطعه من الزبده داخل البطاطس
وحتلاحظو ازاي دابت
وآخر خطوه حنضيف الجبنه الموزاريلا
وممكن كمان نعمل خلطه سهله وهي
قطع طماطم مكعبات + قطع بصل مكعبات+ صلصه طماطم+ ملح وفلفل
وعلى نار لغايه لما يندمجو كويس وبعدين نضيفها على البطاطس
بعد خطوه الزبده وفوق الخلطه دي نضيف عليها الجبنه
وبما ان البطاطس سخنه جدا فالجبنه حدوب ودا شكلها النهائي
بعد اضافه فوق الوش شويه من الفلفل الاسود
كدا احنا خلصنا وصفتنا واكيد الأكله دي جميله في الشتا مع الجو البارد
وطبعا انتو تقدرو تضيفو اختراعاتكم في الحشوات


كدا احنا خلصنا وصفتنا واكيد الأكله دي جميله في الشتا مع الجو البارد
وطبعا انتو تقدرو تضيفو اختراعاتكم في الحشوات




عبدة جاد

وصفة جميلة وخفيفة
لكن إسمح لى
ممكن الإستغناء عن شكل الصليب
بعمل فتحة بملعقة صغيرة فى المنتصف
وان تكون الجبنة الموزارلا شرائح رفيعة
مع وضع البطاطس بالفرن لمدة خمسة دقائق
لكى تسيح الجبنة وتكتسب اللون الذهبى
ولو جبنة بارميزان هتكون أروع
مرة أخرى مشكور ياشيف ...