الدرس الثاني عشر من دروس شرح التجويد

يحيي كشك الإثنين أبريل 25, 2011 3:00 am

اليوم الإثنين الموافق 25 من أبريل 2011

بسم الله والصلاة والسلام علي رسول الله صلي الله عليه وسلم
اتكلمنا المرة اللي فاتت عن موضوع مهم وقلنا إن الحروف العربية تنقسم من حيث التفخيم والترقيق إلي ثلاثة أقسام
1- حروف مفخمة دائماً
2- حروف مفخمة أحياناً وحروف مرققة أحياناً أخري
3- حروف مرققة دائماً

النهارده إن شاء الله هناخد القسم الثاني وهو حروف تفخم إحياناً وترقق أحياناً أخري وده طبعاً بحسب بعض العوامل اللي بتدخل علي الحرف وإن شاء الله هنعرفعها بعد قليل

الحروف اللي بتفخم وترقق ثلاثة
ألف المد -- لام لفظ الجلالة الله -- الراء
الأول * ألف المد أو الألف المدية اللي هي لام ألف {لا} زي ما قلنا قبل كده الألف دي يا اخوانا بتفخم إذا كان الحرف اللي قبلها مفخم زي ضالين قانتين ظالمين وترقق إذا كان الحرف اللي قبلها مرقق زي نالوا عالين تابوا
وتلاحظ في نظقك للألف اللي قبلها بالتفخيم واللي قبلها مرقق بالترقيق

الثاني ** هو لام لفظ الجلالة الله والمقصود هنا اللام التانية مش اللام بتاعت أل اللام دي تفخم إذا كان قبلها حرف مفتوح أو مضموم زي تالله إن الله التاء والنون مفتوحتين وزي لايحب الله الباء مضمومة فاللام هنا تكون مفخمة .
وترقق لام لفظ الجلالة الله إذا كان قبلها حرف مكسور زي بالله من دون الله الباء والنون مكسورتين.

الثالث *** حرف الراء وده حكاية لوحده هسيبه في درس لوحد لأنه يستاهل درس لوحده

طيب ماذا عن بقية الحروف كل الحروف اللي باقية بعد {خص ضغط قظ} وألف المد ولام الجلالة والراء فهي حروف مرققة دائماً ولا تفخم أبداً
وطبعاً مفيش أسئلة

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31