الدرس العاشر من دروس شرح التجويد

يحيي كشك الأربعاء أبريل 20, 2011 2:48 am

اليوم الأربعاء الموافق 20 من أبريل 2011

بسم الله والصلاة والسلام علي رسول الله صلي الله عليه وسلم هنتكلم النهارده إن شاء الله عن صفة من صفات الحروف مهمة جداً وأنا حبيت أجيبها في بادئ الشرح علشان هي مهمه وهنبقي نفرد لها باختصار أثناء درس الصفات لما نوصل له الصفة هي صفة القلقلة
القلقلة من اسمهما نفهم إن معناها اضطراب واهتزاز يعني حروف القلقلة واحنا بننطقها كل حرف مخرجه يضطرب ويهتز عند النطق بحرف القلقة .
الحاجه اللي ناس كتير متعرفهاش عن القلقلة إنها مائلة للفتح بمعني وانتا بتنطق حرف القلقلة مخرج الحرف يهتز للأعلي .
الحروف بتاعت القلقلة لها شرط واحد علشان تقلقل وهو إنها تكون ساكنة . بمعني جه الحرف بتاع القلقلة في نص الكلمة وهو ساكن يقلقل أو جه في آخر الكلمة ووقفنا عليه والوقف بيكون بالسكون فيقلقل الحرف
حروف القلقل جمعها العلماء في كلمة {قطب جد}
القاف الطاء الباء الجيم الدال خمسة أحرف
المطلوب مننا نفتح سورة البروج ونسمعها من شيخنا المفضل هنعرف القلقلة أكثر وانا بسميها صورة القلقلة لأن معظم آياتها فيها قلقلة

الدرس اللي بعد كده اللي كنت ناوي أشرحه هو درس التفخيم والترقيق
الحرف العربية من حيث التفخيم والترقيق بتنقسم إلي ثلاثة أقسام
1- حروف مفخمة دائماً
2- حروف مفخمة أحياناً ومرققة أحياناً أخري بحسب العوامل الداخلة عليها
3- حروف مرققة دائماً
الأول يعني ايه تفخيم التفخيم هو التسمين تملأ فمك وانت بتنطق بحرف التفخيم والتفخيم والترقيق من صفات الحروف برده بس لأهميتهما قدمتهما في الشرح
الترقيق عكسه ومعناه التنحيف أما بقي تقسيم الحروف من حيث التفخيم والترقيق دا بقي اللي هنعرفه في الدرس القادم إن شاء الله تعالي ..

جويرية الخميس أبريل 21, 2011 1:13 pm

شكرا على الشرح وانشاء الله هذكرة وممكن بعد كدة نعمل اختبار عشان مش انسى ممكن

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

الدرس العاشر من دروس شرح التجويد

الدرس العاشر من دروس شرح التجويد

رد: الدرس العاشر من دروس شرح التجويد