الدرس الرابع من دروس التجويد

يحيي كشك الأربعاء أبريل 06, 2011 10:01 am

اليوم الأربعاء الموافق 6 من أبريل 2011

بسم الله والصلاة والسلام علي حبيب الله صلي الله عليه وسلم
اتكلمنا المرة اللي فاتت عن مراتب القراءة وقبل كده اتكلمنا عن الاستعاذة قبل قراءة القرءان الكريم
طيب بعد ما نستعيذ بالله من الشيطان الرجيم أكيد سنأتي بقوله {بسم الله الرحمن الرحيم} والبسملة لفظها كده بس مش متعدد زي الاستعاذة واحنا لما نقرأها قبل القراءة كده بنستن بقول النبي صلي الله عليه وسلم {كل أمر ذي بال لا يبدأ فيه ببسم الله فهو أجذم} يعني مقطوع البركة والصلة بالله تبارك وتعالي ...
فيه شوية أحكام للبسملة يرجي الانتباه لها
* لو هنبدأ القراءة من أول سورة معينة يبقي يجب أن نأتي بالبسملة.
* لو هنبدأ من أجزاء أي سورة أنت بالخيار{أو بالأته} من الإتيان بالبسملة أو تستعيذ وتقرأ علي طول.
* مفيش بسملة في أول سورة التوبة اللي هي براءة ليييييه ؟؟
لأن سورة براءة تسمي الفاضحة ونزلت لكي تفضح أحوال المنافقين وبسم الله الرحمن الرحيم أمان ولا أمان مع المنافقين شفتي كده زي اللي بيدخل بيت من غير ما يخبط ههههه
وفيه بعض العلماء قالوا إن سورة الأنفال وبراءة سورة واحدة.
* في بداية القراءة من أول سورة معينة يجوز لنا نأتي بأربعة أوجه الاستعاذة والبسملة وأول السورة
1- وصل الاستعاذة بالبسملة بأول السورة في نفس واحد يعني نملأ الرئتين هوا وندخل.
2- قطع الاستعاذة عن البسملة عن أول السورة. وطبعاً شرحت قبل كده معني القطع .
3- وصل الاستعاذة بالبسملة وقطع أول السورة.
4- قطع الاستعاذة ووصل البسملة بأول السورة.
والأوجه الأربعة جائزة
طيب أنا خلصت سورة وهبدأ في سورة تانية أعمل اييييه ؟؟
طبعاً نخلص السورة ونأتي بالبسملة وبعدين نبدأ أول السورة اللي بعدها وفيه هنا برده أربعة أوجه
مثلاً أنا خلصت الفاتحة وهبدأ البقرة الاوجه كالتالي:-
1- وصل الجميع يعني وصل ولا الضالين بالبسملة ب الم.
2- قطع الجميع .
3- قطع الأول اللي هو ولا الضالين وبعدين وصل البسملة بأول الم
4- وصل الأول ولا الضالين بالتاني البسملة وقطع أول السورة الم
ملحوطة مهمة جداً جداً
الأوجه التلاتة الأول والتاني والتالت جائزة أما الوجه الرابع فممتنع ليييييييه ؟؟؟
لأنك لو قلت ولا الضالين بسم الله ... الخ وقطعت وبعدين بدأت بأول السورة ممكن يظن أحد إن البسملة جزء من آخر السورة لهذا نبه العلماء علي امتناع هذا الوجه ..

أنا عاوز أبدأ اقرأ من أول سورة براءة
هنا يجوز لنا وجهان
الأول وصل الاستعاذة بقوله براءة من .... الخ ومفيش بسملة هنا
التاني قطع الاستعاذة عن أول براءة

ولو هخلص الأنفال وابدأ براءة لنا ثلاثة أوجه
1- وصل آخر الأنفال بأول براءة بدون استعاذة أو بسملة.
2- قطع آخر الأنفال عن أول براءة وبرده بدون استعاذة أو بسملة.
3- السكت بين آخر الأنفال وأول براءة سكتة بمقدار حركتين بدون تنفس بدون استعاذة أو بسملة.

mr Ikramy الأربعاء أبريل 06, 2011 10:28 am

بالتوفيق ان شاء الله يا شيخ يحى انا متابع من البداية وبحييك على الاستمرارية فى سلسلة دروس التجويد وربنا يجعلها فى ميزان حسناتك

محمود حسين الخميس أبريل 07, 2011 4:42 pm

جزاكم الله خيرا ياشيخنا العزيز
ولكن ما معنا ( شوفتي ) ياشخنا انت بتكلم مين بالضبط جماعة ولا

يحيي كشك الخميس أبريل 07, 2011 10:43 pm

طبعاً هذه الدروس لجميع الأعضاء المشتركين وغير المشتركين يعني من أراد أن ينتفع بها فله ذلك
أما بالنسبة لكلمة شفتي هي مش بطريق الخطأ أنا متعمدها وأقصد بها الأخت جويرية لأنها هي من بدأت طلب دروس التجويد
ويا سيدي لو شفتي مزعلاك يبقي
شفت
شفتي
شفتما
شفتم
شفتن
Very Happy

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

الدرس الرابع من دروس التجويد

الدرس الرابع من دروس التجويد

رد: الدرس الرابع من دروس التجويد

رد: الدرس الرابع من دروس التجويد

رد: الدرس الرابع من دروس التجويد