الدرس الثالث من دروس شرح التجويد

يحيي كشك الإثنين أبريل 04, 2011 8:02 am

اليوم الإثنين الموافق 4 من أبريل 2011

بسم الله والصلاة والسلام علي حبيب الله صلي الله عليه وسلم
النهارده إن شاء الله نتكلم عن مراتب القراءة
سرعة الفم الإنساني يا إخواني في التلاوة يمكن أن تتغير من بطئ إلي سريع إلي أسرع الذي تضبطه الأذن من هذه السرعات ثلاثة أنواع
تستطيع الأذن البشرية أن تضبطها أي تدركها وهي
البطئ في التلاوة
والسرعة في التلاوة
والتوسط بين السرعة والبطئ
بمعني أوضح وأبسط مثلاً لو شوفنا اللون الأحمر أمامنا هنقول دا لون أحمر الكمبيوتر يقدر إنه يعمل 10000 درجة من اللون الأحمر وكلهم نقدر نسميهم أحمر بس العين المجردة لا تستطيع أن تميز إلا ثلاثة ألوان أحمر وأحمر فاتح وأحمر غامق
كذلك الأذن لا تستطيع أن تميز إلا ثلاث سرعات بطئ وسريع وبين البطئ والسريع اللي هو التوسط

أنا عايز أقول ايه
عاوز أقول إن مراتب القراءة تتفاوت
فلما القارئ يقرأ بتؤده وهدوء واطمئنان دا يبقي اسمه بيحقق القراءة ودي المرتبة الأولي {التحقيق} زي ايه مثلاً زي ما بنسمع المشايخ بتوع المياتم والتلاوات النادرة اللي بتيجي في رمضان وبنسمعها في قرءان السهرة في إذاعة القرءان الكريم
ولكن لو كنا هنحقق القراءة نخلي بالنا من شيئ مهم جداً وهو عدم تمطيط الحروف يعني ما نمطش الحرف زيادة عن اللازم لأن تمطيط الحرف أكثر من اللازم دا عيب في القراءة وهنبقي نشرح عيوب القراءة في درس قادم إن شاء الله
طيب المرتبة التانية هي مرتبة {الحدر} لما نقول حدر فلان أي أسرع فالحدر هو الإسراع بالقراءة زي ما بنسمع كده شيوخ الحرم وهما بيقرؤا . وبرده هنا يخشي علي من يقرأ بالحدر من دمج الحروف يعني بالبلدي ياكل الحروف وميديش لكل حرف حقه .
المرتبة التالتة هي {التدوير} والتدوير حالة وسط بين البطئ والإسراع بالقراءة ودي زي ما بنسمع مشايخنا العظام في إذاعة القرءان الكريم اللي هو المصحف المرتل للحصري ومصطفي إسماعيل والمنشاوي وعبدالباسط والبنا وتعتبر أفضل المراتب في نظري .

طيب فيه سؤال طرح نفسه اللوقتي
بنسمع كتير يقولوا المصحف المرتل أو قوله تعالي {ورتل القرءان ترتيلاً} هو الترتيل دا مش مرتبة من المراتب ولا هو مرتبة لوحده ولا أيه بالظبط ؟؟
نحن مأمورون بترتيل به من قول الله تبارك وتعالي {ورتل القرءان ترتيلاً} والترتيل في اللغة العربية مأخوذ من قول العرب ثغر{فم} مرتل وتقول العرب ذلك لمن كانت أسنانه مصفوفة إلي جانب بعضها فكل الأسنان مرتبة إلي جانب بعضها فليس هناك سن يركب علي سن ولا سن يخفي جزءاً من سن وكانت العرب تعتبر ذلك مزية في الفم . والرتل هو الصف المنتظم .
فرتل القرءان أي انبذه حرفاً حرفاً فإذا بحث القارئ عن أي حرف من القرءان الكريم وجده وسمعه
إذن نحن مأمورون بالترتيل عند المراتب الثلاثة سواء عند التحقيق أو الحدر أو التدوير يبقي التحقيق نقدر نسميه ترتيل والحدر نسميه ترتيل وكذلك التدوير

الدرس القادم إن شاء الله نتكلم عن البسملة
أكرر وأعيد لو عاوزين نستفاد كويس يبقي نذاكر كل درس ناخده ولو فيه أي استفسار دا الإيميل
keshk1985@yahoo.com
keshk1985barmoda@hotmail.com

جويرية الإثنين أبريل 04, 2011 8:58 am

و بجد واللة انا مش عارفة اقول اية حاسة انى تعباك معى انا مقدرة المجهود واللة وعموما انا كونت عايزة اعرف الدرس الجاى يوم اية وشكرا ولو وقف على حاجة وانا بذاكر هتكلم على الايميل ان شاء اللة

يحيي كشك الإثنين أبريل 04, 2011 9:01 am

مفيش تعب ولا شيئ الدروس إن شاء الله هتبقي سبت واتنين وأربع

جويرية الإثنين أبريل 04, 2011 9:03 am

ان شاء اللة فى انتظار الدرس القادم

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

الدرس الثالث من دروس شرح التجويد

الدرس الثالث من دروس شرح التجويد

رد: الدرس الثالث من دروس شرح التجويد

رد: الدرس الثالث من دروس شرح التجويد

رد: الدرس الثالث من دروس شرح التجويد