نكت على الماشى

1- بيقولك مرة واحد قرر يرشح نفسه رئيس الجمهورية، مسكوه بتوع أمن الدولة و قالولوا أنت عبيط ولا ايه،
قالهم هو شرط

2- مرة اثنين بلدياتنا في الجيش فالصول بيسأل الاول: ايه ده؟؛ قال له: البندجيه يافندم،
قال له: بندجية ايه ياهريدي دي وطنك دي امك،
فراح للعسكري التاني قال له: ايه دي؟، قال له: دي ام هريدي يا فندم.


3- مرة واحد بلدياتنا وقع فى حفرة نزلولوا حبل طلع مخنوق


4- مرة واحد بتاع سمك ابنه مات فماشى فى الجنازة يقول: كان صاحى وبيلعب


5- محشش سأل واحدة اسمك ايه؟ ردت: أسماء؛ فقال: يعني ما فيش اسم محدد؟


6- مره واحد احول سجل في الجيش...... حطوه في قسم القصف العشوائي


7- سكران ماسك الفرخة بتاعته .قاعد يضرب فيها يضرب فيها ويقولها: كل يوم بيض بيض مافيش جبنه


8-مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى


9- مرة واحد خد مراته جنينه الحيوانات و صورها جنب قفص القرود وعلق الصورة فى الصالون وكتب تحت الصورة: هذه صورة زوجتى مع القرود (ملحوظة: زوجتى الثالثه على اليمين


10- واحد صعيدي نزل محطة مصر لقى بتاع الأنابيب بيخبط عليها، قال له
افتحلي واحدة ساقعة لو سمحت


11- واحد صعيدي راح امريكا لقى كل الشباب لابسين تشيرت مكتوب علية سفن
اب كوكاكولا - بيبسي
راح كتب على الجلابية عصير قصب


12- جزمجى ابنه مات ...نزل له فى الجرنان نص نعل

13- واحد جزمجى زعل...جت له جزمة نفسيه


14- دكتور عظام ماشي فى الشارع * الكلاب جريت وراه


15- بلدياتنا سافر بالطيارة ومعه قرد قالت المضيفة الحيوان معك ......هز القرد راسه


وشكراً.....

شكرا على النكت دى واللة ضحكتنا ياستاذ محمد

نكت جميييييله جداااااا
شكراااااااا يااستاذ محمد

محمد عمرو كتب:


8-مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى

10- واحد صعيدي نزل محطة مصر لقى بتاع الأنابيب بيخبط عليها، قال له
افتحلي واحدة ساقعة لو سمحت

15- بلدياتنا سافر بالطيارة ومعه قرد قالت المضيفة الحيوان معك ......هز القرد راسه


وشكراً.....

جااااامدة
تسلم دماغك ياابو عمر وخاصة نكتة الانابيب

ههههه كلهم جامدين ودى ماشية مع واحد صحبنا زى اللوز
واحد جزمجى زعل...جت له جزمة نفسيه

كدا الوقتى انا ممكن اضحك اضحك بعلو الصوت


ش ك ر ا