[b]خدعوك فقالوا نعم للدستور تعنى الاستقرار الاقتصادى[/b]

كنت اسمع دائما نغمة تقول كفاية الاقتصاد بينهار نقول نعم ونخلص خلى البلد تهدأ بصراحة انا صدقت ولكن لما حضرت ندوة المستشارة تهانى الجبالى نائب رئيس المحكمة الدستورية العليا وبعتلها سؤال وقلت فيه لو عملنا دستور جديد ياخد وقت اد ايه وهل التاخير ده بيضر بالاقتصاد المصرى فردت باجابات فى منتهى الجمال اسمعوا معايا قالت ايه:
اولا بالنسبة لوضع الدستور ده مش بمزاج حد انا دورى عامل زى الترزى بيطلب منه الزبون تصور معين للبسه والترزى ماعلبه الا التفصيل وقالت انها بتتمنى ان يتكون لجنة بتمثل جميع اطياف الشعب ممثل عن العمال وممثل عن الفلاحين وممثل عن المهندسين والزبالين والجماعات والتيارات والاقباط والاحزاب والشباب وزوى الاحتياجات الخاصة ويعرضوا مطالبهم وهما كدستوريين يصيغوا المطالب دى فى شكل دستور يرضى جميع طوائف الشعب اعتقد كلام مقنع وزى الفل.
بالنسبة لموضوع الاقتصاد المصرى وكدة ردت فى 5 نقاط بالظبط
قالت ياجماعة ان مصر بتعتمد على 4 ايرادات سيادية وهم
1- ايرادات قناة السويس وطبعا دى شغالة مش معطلة
2- ايرادات تصدير البترول والغاز ودى طبعا شغالة وايراداتها هتزيد عن الاول كمان بعد تعديل اسعار الغاز لاسرائيل
3- عوائد المصريين من الخارج فقالت فيه مفاجاتين فى الموضوع ده قالت انها اتكلمت شخصيا مع رئيس اتحاد المصريين بامريكا اكدلها انهم شكلوا لجنة من كبار القانونين الدوليين اللى اكدوا نهم هيرجعوا فلوس الشعب المصرى اللى هربت للخارج وكمان اتفقوا على انهم بالفعل اتفقوا على انهم هيتنازلوا عن نصف ثرواتهم وحساباتهم وهيودعوها فى البنوك المصرية لدعم الاقتصاد المصرى
4- اكدت ان فيه لجنة تابعة للامم المتحدة اسمها اعتقد اسمها لجنة دعم التغيير انا مش فاكر اسمها بالظبط دى دورها الرئيسى هو دعم الشعوب اللى حصل فيها تغييرات سياسية وثورات زى حالتنا دى بالظبط واللجنة دى ملزمة ببناء اقتصاد الدول دى من جديد الا يكفى كل تلك التطمينات من شخصية مهمة مثل المستشارة تهانى اما بالنسبة لموضوع ان الاستثمارات سابت مصر والمستثمرين مشيوا ماحدش سال نفسه ان المستثمرين دول للاسف هما اللى سرقونا امثال الوليد بن طلالبمعنى كدة ان خروج المستثمرين ( الحرامية الاجانب) فائدة لينا وليس ضرر ياريت تقراوا الكلام ده بتانى وبرضه كل واحد حر فى رأيه
محمود التابعى
عضو مميز