سلكا شبابها هيغيرها... واحنا معاهم

بجد ياجماعة النهاردة كان يوم عظيم ومشهود فى تاريخ القرية اجمل مافيه اننا اتجمعنا مع بعض واتعرفنا على بعض وكل واحد كان جواه حاجة واحدة بس اعتقد كانت جوانا كلنا الاصلاح . لازم ياجماعة نعرف اننا مش جماعة خدمية احنا هدفنا حاجة واحدة المعرفة لازم نعرف ايه حقوقنا وايه التزاماتنا تجاه بلدنا .التزاماتنا قبل حقوقنا ولازم نساعد بعض عاوزين نخدم بلدنا بعقلنا وبفكرنا الحر مش عاوزين واصى علينا لازم كل واحد فينا يعطى لنفسه الحق انه يشارك ويعترض الاحزاب والجماعات والتيارات الاخرى دول ليهم افكارهم وتوجهاتهم اللى امنوا بيها بالفعل وطبوقها مفيش مشكلة ربنا يوفقهم احنا بقى عاوزين نفكر لواحدنا مش عاوزين حد يجبرنا على منهج معين ياشباب قدامنا فرصة تاريخية اننا نكون لنفسنا شخصية بجد. الشخصية عشان تكتمل لازم يكون ليها شرطين ان يكون لها حقوق هى عارفاها والتزامات لازم تنفذها والا فتصبح عديم الشخصية وغير معترف بيك قانونا للاسف ياجماعة احنا كنا غير معترف بينا لاننا بصراحة شديدة وانا منكوا كنت مغيب عن حقوقى ومكنتش بوفى بالتزاماتى تجاه بلدى فياريت نساعد بعض ونرمى المصالح الشخصية ورا ضهرنا ونفكر لمصلحة بلدنا واسف للاطالة وشكرا لكل اللى حضر سواء مؤيد او معارض