نداء إلى شباب سلكا

ياشيخ محمود انا عاوز اعرفك ان جلسة النهاردة ماكنتش جلسة مناقشة وكده ولا تاسيس الحزب الحمد لله اتأسس خلاص ده كان عرض افكارنا وتوجهاتنا على المدعوين والحمد لله ان افكارنا وشروطنا اتطرحت واتفهمت وهقولها تانى اللى عاوز ينضم لحزبنا لازم يكون مجرد من انتماءات حزبية اوتيارات دينية بانواعها سواء اخوان او انصار سنة مع احترامنا الشديد للجميع وياريت 100 خط تحت البند ده وان شاء الله اللى حصل النهاردة مش هيتكرر لان اللى هيحضر المرة الجاية خلاص امن بفكرنا وبقى واحد مننا يارب الرسالة تكون وصلت والناس تعرف ان حزب اتحاد الشباب اتاسس بالفعل وشكرا لحضورك ياشيخ محمود سواء مؤيد او معارض

تحول لقاء اليوم من عرض للأفكار إلي مسألة تار ونحن لا نعرف لمن هذا التار من يريد أن يعلوا صوته علي الأخر الشباب النهارده أعلنها وصريحة مش عايزين الإخوان والإخوان بيقولوا فيها لأخفيها وثانيا هل هذا المؤتمر دعوة لإنشاء حزب سياسي مع إني أشك في ذلك فكلمة حزب كلمة جديدة فهي موضوعة لأن هذا هو الشيء الوحيد الذي يتعارض مع فكر الإخوان عجبتني الفكرة في البداية وعجبني النظام ولكنه في النهاية تحول إلي معركة كلامية وشدة أعصاب جعلتني ممن يفضلون الإنسحاب أريد أن أعرف تفاصيل أخر الجلسة وفق الله الجميع لما فيه صالح للبلد

بسم الله الرحمن الرحيم

الشيخ محمود مشكور حضر الجلسه .. وشاف بنفسه ان شباب البلد فيه خلاف بينه وبين بعضه
وحين تم السيطرة على الحديث وانصت الجميع لبستمع له بصفته رجل دين وليس بصفته من حزب معين قالهم انا شايف ان التجمع او الحوار غير حضارى وسلام عليكم .. تصرف غير متوقع من الشيخ محمود لن اقول المفروض من الشيخ محمود يذكرهم باداب الحوار ولا يستغل فرصة انصاتهم له وانا اصريت انه يجلس ونسمعه وفوجئت بنعته لهم بانهم غير حضارين اكيد زعلت من موقفه وكان نفسى يظهر فى ضورة احسن واكيد هو مقتنع بموقفه او راجع نفسه وشاف انه اتسرع فى الحكم وليس كل الناس مستوى واحد فى الاخلاق او صعب ان يتحد الستين فرد على نفس الفكر والحوار والعلم من اول جلسة ومش معنى ان فلان لم يتحدث بلياقة ان اتركه وارحل او انعت الحضور بالهمجية واتنحى عنهم بدون حتى ما اقوم بدورى كداعية لانهم تجمعوا من اجل الاصلاح لا الافساد ولكن اختلفوا فى الاسلوب او التكوين وهذا وارد وتم حل الخلاف والحمد لله

بالنسبة للاستاذ حسين الطحان مشكور هاحكى بالتفصيل والصور ما تم ليعلم الجميع انا بلدنا بها اعظم ثروة وهى شبابها ومهما كانت الاتجاهات فكلهم من اصل طيب

الاخ لاند مشكور لم نرتقى لمرحلة الاحزاب بعد ولكن من الجميل ان يكون طموحنا قوى وهدفنا سامى المهم العمل وليس الكلام

سعيد جدا بمناقشتكم واتمنى من يخشى الاختلاف مع الاخر او مواجهة من يختلف معه بالنقاش ان يترك بصمه صغيرة ويقترح ويكتب رابه بوضوح وبقوة ولا يخشى الا الله ولكن كن صاحب رأى ولا داعى للخوف والا ستجعل من كل تجمع حزب وطنى اخر وفرعون اخر يقودك ومن لايعجبه الحوار مع الاخر يقول اوجه الاختلاف واوجه الاتفاق بحرية وحيادية.

يعجبنى فيك يااستاذ حسين انك بتفهمها وهى طايرة وانك الحمد لله متفق معانا على حكاية التجرد من اى انتماءات لتيارات بانواعها (100 خط) تحت انواعها او احزاب والحمد لله الموضوع انتهى وجماعة الاخوان مشكورين تفهموا وجهة نظرنا بكل احترام ونتمنى ان الكل يتفهم وجهة النظر احنا مش ضد اى فكر ولكن احنا ضد من يفرض علينا فكره مهما كان .عازين نفكر لوحدنا مرة فى حياتنا . احنا يااستاذ حسين باختصار مجموعة شباب عاوزين نفكر بعقلنا ونعرف حقوقنا والتزاماتنا هدفنا قائم على المعرفة والتنوير ولسنا جماعة خدمية لان ده مش دورنا ده دور مؤسسات حكومية وبكده بنقطع الطريق ضد اى انتهازى يحاول يستفيد من موضوع الخدمات ده .احنا لانملك شىء غير عقلنا وحبنا وايمانا ببلدنا الصغيرةسلكا وبحقيرة. لازم ياجماعة نساعد بعض واللى الشروط مزعلاه مننا ياريت مايفسرهاش اننا ضد فكره لا احنا بنحترمه جدا ونقدره بس احنا عاوزين نبدا لوحدنا. ممكن بعد كده لا دا اكيد هنقوم بنشاطات كتير فى البلد ودا اللى هناقشه بعدين مع بعضنا المجموعة دى يااستاذ حسين مش حكر على احد كلنا زى بعض الكبير زى الصغير طالما لينا هدف وطريق محدد كلنا وافقنا عليه يبقى مش محتاجين لقائد هدفنا هو قائدنا اللى ماشيين وراه وبيحركنا. المفروض النهاردة كنا نتكلم فى موضوع التعديلات الدستورية نعرف هى ايه من خلال ناس مننا بتفهم فى القانون ولكن حضرتك شفت اللى حصل وصدقنى مش هيتكرر تانى. انا محمود التابعى على فكرة وكنت اتمنى انك تقعد للاخر وياريت اقابلك بكرة ان شاء الله

إذا اتفقنا أن هدفنا واحد وحددنا ما هي الأهداف
وبعد ذلك سيتم الإتفاق علي الطريقة لتحقيق اهدافنا
ويجب أن يتفق الجميع علي أهداف محددة
مع مراعاة أنه علينا أن نستمع للجميع ونتعلم أن يستمع كل منا للآخر
حتي لو لم نكن متفقين علي ذلك الرأي
ويجب علي كل صاحب راي ان يوضح ما سبب تمسكه بذلك الرأي لعل يكون هناك شئيا لا نفهمه وبعد ان نفهم نوافق عليه
وأرجو من الجميع مراعاة خطورة عزل الدين عن السياسة - لأن ديننا لم يكن عقبة من أجل الديمقراطية
وهناك الكثير من الأمثلة تدل علي ديمقراطية ديننا لعل أقربها
في غزوة الخندق - عندما أشار سلمان الفارسي بحفر الخندق - لم يخرج سيدنا عمر وينهره مثلا ويقول له إن رسول الله أعلم منك بذلك - ولكن بعد أخذ النبي برأيه
وأيضا حينما أسر النبي أهل مكة ( في غزوة - بدر ) جلس يستشير الصحابة فيما يرونه في هؤلاء
إذن فالدين الإسلامي هو أساس الديمقراطية .
أما ذكر الحزب في القرآن والشيخ محمود أعلم مني فقد ذكر في القرآن
قال تعالي (( ألآ إن حزب الله هم الغالبون)) صدق الله العظيم
وآسف للإطالة وكنت أتمني ان أكون معكم ولكن الظروووووووف