بهتف بعلو الصوت وهاقولها لو هاموت

كنت غريب فى اوطانى ...كنت مكروه من جيرانى
كانوا فاكرين انى بخرب ... كانوا بيقولوا انت انانى
كنت عايش تايه وخايف... ولو نطقت انت اخوانى
واقف فى الميدان راجل... وبسمع منهم كلام تانى
قالوا اجنده وقالوا عميل... لدرجة انى قفلت ودانى
حملت روحى على كفى... وناويت ما انكسر تانى
اموت بكرامتى ورافع راسى...ولو مرة اواجه اللى اذانى
مش فارقه كتير عايش ميت...ولو مت ارتحت وارتاح وجدانى
امطار نزلت وبرد قارص جمال وخيول وقسوة ولا غيرت مكانى
وصبح وليل فى ميدانى بهتف...انا عاوز حقى عاملنى كاانسانى
لا طوبه ولا سلاح وقلت سلميه ...انا مصرى عايش فى كوكب تانى
اهمال وسرقه ونهب وتعتيم اعلامى...والوطنى هو الحضارة وغيره حيوانى
تركوا العلوم والصحه وماتت النهضه...والرقص فيناانتشر وكورة واغانى
عملت منا عبرة لكل الشعوب ... وجنيهنا صار مركوب من ليبى وسودانى
دمرتنا واغتنيت وبغزة ضحيت... وعلى خيرنا استوليت وفى اكلى سرطانى
حسيت كانى بشاركك فى بيتك ... طيبتى وضيافتى لك هى اللى خنقانى
اوع تنسا ان ربك موجود وحكمته ...مالها حدود قالك كل شىء فانى
صبرت وصبرى طال غلطان ... ودمعى سال اتقى شر غليانى
كل ما اقول تغيير تشاركنى فى القليل ... اغضبتنى وفجرت بركانى
هتقوللى نحاول انا مش هاصدق... خرجت ومش ناوى ارجع كرهت اوطانى
بنيت مستقبل اسود حطمت احلامى...عاوزنى ارجع افكر بشكل عقلانى
خلاص ماليها رجوع وسك على الموضوع شبابى هيعوض كل حرمانى
سمعت نصايحك كتير انا ناوى عالتغيير ...هازرع واعمر واصنع واشهد يازمانى

مشكور مستر اكرامى كلام ولا فى الاحلام

برافو عليك ياجخ سلكا وبحقيرة عقبال الجاى