جمعة الغضب

الإعلام المصري غريب جدا موقفه .. يا إما عبيط يا إما بيستعبط .. اه والله .. بيتكلم ان الشعب المصري عاوز ياكل عاوز يشتغل عاوز يعيش حياة كريمة .. للأسف نسيوا او تناسوا حاجة مهمة جدا .. اننا عاوزين كل ده بس مش بوجود النظام والحكومة الفاسدة اللي موجودة دلوقتي كلها الصامتون منهم والمتفرجون والمتكلمون افهموا يا عالم يا اعلام مصر يا للي المفروض تكونوا في صفنا .. عشان بعد كده نصدقكم ونصدق كلامكم ..افهموا .. احنا مش عاوزين لا ناكل ولا نشرب ولا حتى ننام الا لما يغور مبارك واعوانه واذياله وزبانيته الفاسدين .. وزي ما قالوا التوانسه ( خبز وماء وبن علي لا ) بنقول برده زيهم حناكلها بدقة وحسني مبارك لاءه او زي ما تحبوا قولوها
يا اعلام مصر افيقوا من غفلتكم .. الجزيرة فضحت كاميراتكم ومراسليكم وكل من يعمل لصالحكم
يارب توصل رسالتي ليكم
افهموا كويس مافيش حد بيموت من الجوع بس الذل والاستعباد والاهانة في بلدنا وبرا بلدنا هو ده اللي بيموت قلوب الناس