رسالة من محمد علاء مبارك

ازيك يامامي وحشتيني قوي انتي وبابي واخويا الصغير وجدو وتيتة وعمو جمال وكل اصحابي .. مصر كلها وحشتني
يامامي.. يوم 25 يناير صحابي في الجنة نادولي وقالولي تعالا بسرعة يامحمد في ناس من بلدك دخلو الجنة قولتلهم مصريين! قالو ايوة دول شهداء كمان يامحمد…
جريت بسرعه معاهم اشوف الشهداء اللي من بلدي واسلم عليهم وافتخر بيهم وكل يوم بيجي شهداء تانيين ولما كترو قوي يامامي وزادوا ووصلوا اكتر من 300 شهيد قلت لصحابي وانا فرحان عارفين دا اكيد جدو بيقود مصر في حرب تانية علي اسرائيل او اعدء تانيين!!
روحت يامامي وقعدت معاهم علشان يحكولي عن جدو القائد واللي بيعمله واسمع بطولاتهم ولما سألتهم هيا مصر بتحارب مين وانتو استشهدتواازاي وفين ؟؟؟؟ وجدو كرمكم قبل ماتيجوا الجنة !!! بصوا لبعض ومحدش رد !!!
سألت تاني ردوا عليا مين قتلكوا ؟؟؟؟؟
واتقتلتوا برصاص اسرائيل ولا مين ؟؟؟؟؟
وجدو عمل اية في اللي قتلكوا!! ولما بكيت لأول مرة لان الجنة مافيهاش حزين قالولي لا مش اسرائيل دة رصاص مصري يامحمد حراس جدك يامحمد هما اللي قتلونا؟!!!!
لقتني مش فاهم حاجة صرخت وقلت مش عاوز اسمع حاجة وجريت ورحت قعدت لوحدي لكن الشهداء جم وقالولي متبكيش يامحمد انت ملكش ذنب وخدوني في حضنهم وطبطبوا عليا حسيت بدفا حضنك يامامي وهما بيضموني في صدرهم…
رفعت راسي وقلتلهم انتو طيبين قوي…. قالولي مش احنا بس اللي طيبين دة كل المصرين طيبين…
يامامي انا مش هاسأل حصل اية ولا عاوز اسمع حاجة لكن قولي لجدو انا مش اغلي من اي واحد منهم عند ممتو وزي ماحسيتي يوم ما انا مت اوصفيله كل ام حاسة بأية دلوقتى وقوليله انتي لاني انا مخاصمه…. ازاي هان عليه كل الناس دي ومعملش حاجة للي قتلهم!!
قوليله لازم يبرد قلوب الأمهات والأبهات دا الابن غالي وانتي عارفة يامامي ويابابي قولو لجدو انه خلاص مبقاش ينفع يبقي رئيسها بعد اللي حصل!!
جدو لازم يرتاح في بيتة ويسيب مصر لولادها هما اولي بيها وانا هادعيله ربنا يغفرله…
وقبل ما اخلص كلام يامامي اهم حاجة والكلام ده لبابي وعمو جمال وجدو قبل ماتسبوها لولادها يديروها اوي يكون يابابي في مالك انت وعمو جمال وجدو حق لمصر وللمصرين وخدتة
اوعو يابابي…. انا بحبكو ومقدرش اشوفكوا شايلين زنب زي دة اوعوا يابابي مال الشعب الطيب الغلبان الشقيان تاخدوة معاكوا تصرفوا وتعيشوا منة بقيت حياتكوا ..
اوعي يابابي اخويا الصغير ياكل ويعيش ويتربي بمال مش من حقه وفيه مصرين كتير مش لاقيين..
ساعتها تبقي كتبت عليا افارق اخويا دنيا واخرة لانه لازم يتربي بمال حلال عشان اقابلة يوم في الجنة وقول لجدو وتيتة وعمو جمال وطنط خديجة ان الجنة حلوة قوي احلي من اي حاجة ولا اي مليارات مش حلال تستاهل يضحوا بالجنة عشانها دا ربنا بيسأل عن كل جنية كسبتة ازاي وصرفته في ايه ؟!!!
والسلام عليكم ياعيلتي اللي بحبها
والسلام تحية اهل الجنة .

منقول

لا بابا ولا ماما ولا تيته ولا جدو ولا طنط بيفهم اللى بيقراه صح ولو فهموا مش هيعملوا ولو فكروا يعملوا الناس كرهتهم ..دا الدستور لما فهموه غيروه ومقدروش يغيروا نفسهم

استعوض الله يا محمد فيهم وقول يارب ارحم مصر واهلها

ههههههههههههههههههه
حلوه يامستر