الدرس الثالث عشر من دروس شرح التجويد

يحيي كشك الأربعاء أبريل 27, 2011 5:21 am

اليوم الأربعاء الموافق 27 من أبريل 2011

بسم الله والصلاة والسلام علي رسول الله صلي الله عليه وسلم النهارده إن شاء الله هنتكلم عن القسم الثاني من أقسام الحروف العربية وهو الحروف اللي بتفخم أحياناً وترقق أحياناً أخري

وقلنا إن الحروف اللي بتفخم وترقق ثلاثة ألف المد ولام لفظ الجلالة والراء واتكلمنا المرة اللي فاتت عن الألف ولام لفظ الجلالة .

وتركت الراء في درس لوحدها عشان هي تستاهل ركزوا معايا كويس

الراء بتيجي في القرءان الكريم علي صورتين إما متحركة بحركة من الحركات الثلاثة الفتحة والضمة والكسرة أو ساكنة .
فلو الراء جاءت فتوحة أو مضمومة تفخم زي مثلاً سراجا -- عشرون .
ولو جت مكسورة ترقق زي الغارمين .

أما لو جت ساكنة فسوف ننظر إلي الحرف قبلها إن كان مفتوحاً أو مضموماً فخمت مثل غرفة -- قرية
طيب فيه بعض الملاحظات علي الراء نخلي بالنا كويس منها
1- الراء الساكنة اللي قبلها كسر أصلي متصل بها في الكلمة هي التي ترقق أما إن كان الكسر قبلها غير أصلي تفخم مثل أم ارتابوا-- ارجعوا إحنا هنا لو بدأنا هنبدأ بكسر همزة الوصل فهيكون قبل الراء كسر لكنه غير أصلي لأننا في حال وصل الكلمة بما قبلها ستزول همزة الوصل .

وبرده لازم يكون الكسر متصل بها في كلمة واحدة أما لو كان في كلمة وهي في كلمة فخمت مثل ربّ ارجعون

2- إن كان قبل الراء الساكنة كسر أصلي ومتصل بها في الكلمة ولكن بعدها حرف استعلاء {خص ضغط قظ} فإنها تفخم مثل قرطاس بالمرصاد

3 - لوكان قبل الراء الساكنة حرف ساكن هنعمل ايه هننظر لأقرب حرف متحرك مثل {والفجر} هنا الراء وقفنا عليها فسكنت وقبلها الجيم ساكنة فهننظر إلي الحرف اللي قبلها وهو الفاء نلاقيه مفتوح فنفخم الراء علي طول ... وبرده لو وقفنا علي الراء وكان قبلها ياء ساكنة من غير تفكير نرقق الراء علي طول .

آخر حاجة عشان طولت عليكم في الراء كلمة {فرق} في سورة الشعراء فيها الوجهان التفخيم والترقيق
أما كلمة القطر ومصر فليس فيهما إلا التفخيم