الدرس التاسع من دروس شرح التجويد

يحيي كشك الإثنين أبريل 18, 2011 4:43 am

اليوم الإثنين الموافق 18 من أبريل 2011

بسم الله والصلاة والسلام علي رسول الله صلي الله عليه وسلم
النهارده إن شاء الله هناخد حكم آخر من أحكام التجويد وهو حكم النون والميم المشددتين
الحرف المشدد في القرءان الكريم هو عبارة عن حرفين الحرف الأول ساكن والثاني متحرك فأدغم الأول في الثاني وصار النطق بهما حرفاً واحداً مشدداً
بمعني مثلاً كلمة السّماء هنا حرف السين أصله السْسَماء سين ساكنة وسين متحركة مفهوم الكلام ده طبعاً وكلام سهل جداً
طيب انت عاوز تقول ايه ؟؟
أنا عاوز أقول إن حرف النون وحرف الميم إن جاء في القرءان الكريم مشدداً فله حكم تجويدي خاص به وهو الغنة بمقدار حركتين وصلاً ووقفاً مش فاهم الكلام ده وضح أكتر حاااااااااااااضر
حرف الميم مثلاً في قوله تعالي {الرمّان} جاء مشدداً وعليه فلك أن تغنه بمقدار حركتين
لو تفتكروا في درس سابق أنا قلت إن الغنة صوت بيخرج من الخيشوم
الخيشوم ده بقي هو أعلي منطقة في الأنف وقلت برده إن الكلام ده مش بتاخد من الكتابة ده بيتاخد من أفواه المشايخ بمعني نسمع شيخ من اللي بيقرؤا القرءان وهو بيقرأها واحنا نتعلمها

طيب مثلاً قوله تعالي عمّ يتساؤلون هنا الميم مشددة واحنا قلنا إننا لما نشوف ميم مشددة أو نون مشددة في القرءان يبقي حكمها الغنة بمقدار حركتين وصلاً ووقفاً يعني سواء وصلت عمّ باللي بعدها أو وقفت عليها هنغن الحركتين
انت عمال تقول حركتين حركتين يعني ايه الحركة ؟
العلماء القدامي في هذا الفن لم يحددوا للحركة زمن كابن الجزري شيخ الكل وعميد هذا العلم والشاطبي وغيرهم من أسيادنا العلماء
أما العلماء المتأخرون مثل الشيخ المتولي اللي كانوا بيسموه ابن الجزري الصغير والشيخ الضباع لما شافوا ابتعاد الناس عن هذا العلم وعدم اتقان هذا الفن فحددوا للحركة زمن وقالوا إنه بمقدار قبض الإصبع وبسطه يعني تفرد صباعك وتتنيه كده يبقي انت عملت حركة
وناس قالت إن الحركة هي نص حرف الألف لما تقول ألف يبقي انت كده نطقت حركتين ..
وصلي الله علي النبي محمد صلي الله عليه وسلم وعلي آله وصحبه وعلي مقرئ القرءان مع محبه

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30