تغير المعالم

سؤال هل كلنا موافقين علي تغير كل الاسماء للرئيس السابق محمد حسني مبارك من
جميع الاماكن والمدن وهل تاريخ ثلاثون عام يمحي من ذاكرة كل المصرين احنا بندرس العدوان الثلاثي علي مصر والنكسة والكباري ال عاملها الانجليز وسيبنها
لحد دلوقتي وبتدرس في كليات الهندسة وشارع مسماه لحد دلوقتي باسماء اليهود
فهل يمحي كل اسم للرئيس السابق حسني
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
.
.
.
انا من راي مش كل حاجة ممكن تنساب في اماكن وتشال من اماكن

انا معاك يا استاذ / محمد فى كلامك بس الوقت فى حاجة دى حاجة مش فارقة اذا كنا احنا شالنة هو فهى كدة كدة بايظة ملهاش لازمة او مش فارقة معاةوبعدين فى نقطة تانية انت بتتكلم فيها 30 سنة تقصد انة 30سنة اللى خدم فيها مصر ولا اللى جوع شعبها ماحكمش بالعدل كان فى ايدية يعمل حاجات كتير يخلى بيها مصر احسن بلد ال30سنة دول عمل فيهم اية لينا ولبلدنا ممكن تقولى وظفك او بصرف النظر عنك الاف الخريجين عمل ليهم اية اصل احنا هنتكلم جد او بلاش احنا عندنا كام سنة واتخرجنا امتى اللى اشتغل جت صدفة وهو دا راى بصراحة

اعتقد ان مثل هذة المعالم يجب ان تبقى بكل اسمائها لتكون شاهدة على شئ واحد فقط وهو ان المصريين وبعد 30عاما من الصمت قد خرجوا من سباتهم العميق وقالوا للطاغية ارحـــــــــــــــــــــــــــــــــــل

وانا كذلك مش مع ان أى حاجه تمحى او تتغير
لأن كل ده قبل مايكون عليه اسمه او غيره ده تاريخنا ويمثلنا فى السنين اللى فاتت

انا مع انها تتغير لان وجودها اهانه لابأنا واجيال سبقتنا خدعها بصيغ من الخيال باسم الديموقراطية والحرية لينتصر لنفسه بغرورة وكأنهم اطفال ساذجين يضحك عليهم حقيقى انا كرهته اكتر بعد كل الحقائق اللى بنسمعها من كذب وخيانه للوطن وعماله واهمال للشعب وتدمير لمقدساته وسرقة ونهب ممتلكاته وتشيتيت ابناؤه واهدار كرامتهم كل دا وتقول اكتب اسمه ينعل دا اسم احنا جايين نختلف على اسماء لميادين هو ما احترمها ولا يستاهلها ولو سمحناها التاريخ مش هيسامحه كلنا متفقين انه حاكم ظالم وابنه ابن ستين .... وعلاء اكبر تاجر اثار وسوزان اكبر ممثلة للشرف والفضيلة وهى هربت بفلوسنا وتقولى اسمه بلاش استفزاز كل ما هاشوف اسمه هاتف عليه لحد ما اغرق كل الميادين اللى انتوا خايفين على اسمه
مش عارف دى طيبة ولا خيابه يمكن هو صاحب البلد وانتوا ضيوف عليه اتعودتوا على العبودية بتكرموا اللصوص دى اهانه لكل مصرى شريف
على الاقل انتصروا للشهداء من الشباب والنساء والاطفال اللى قتلهم فى الثورة وما قبل الثورة كان اعظم دا حطم كل احلامنا وطموحتنا حتى انه سلبنا فرحة الانتصار الخوف والرعب من امن الدولة وكمان الضرائب العقارية والديون واحتكار المصادر والدخل القومى له ولاسرته واصحابه من داخل مصر وخارجها كالصهاينة رغم انهم حاربونا فى مياه النيل فى عصره بفلوسنا بيحاربونا دمر مياه النيل فى عصره من كتر الفساد اى واحد معاه فلوس يشترى البلد عاوزين تكرموا مين كمان الراقصين والراقصات اكتبوهم ايضا عشان التاريخ اللى هايقراه ابنائنا يقولوا اننا نستاهل اكتر من كدا

ومع ذلك احترم وجهة نظركم والاختلاف فى الرأى لا يفسد للود قضية

وبلاش اذكر امثلة من الكتاب والسنة

لو ذكرت أمثلة من الكتاب والسنة
كان أفضل وأعظم مليون مرة
لا داعى لسب الإسم
لأنه مش هو الوحيد المسمى مبارك
هناك غيرة كثيرين
وأيضاً منهم الحلو ومنهم الوحش
وبعدين مش عاوز حد يزعل
إسمه هيتشال هيتشال
كل محافظ وكل مسئول بل وكل إنتهازى
علشان يكون من مؤيدين الثورة
والعيون تبعد عنة شوية
هيشيل أو هيطالب بذلك
وكلامى عن الإنتهازيين
وليس الناس الشرفاء
اللى وجود الإسم من عدمة لن يؤثر فيهم
لأنه بقى الإسم
لكن زال الجبل
هل تعلمون معنى أن يزول جبل من مكانة
سبحان الله والحمد لله
ولا إله إلا الله .. الله أكبر
وشكراً

ذكرت صحيفة "نيويورك تايمز" الأمريكية تحت عنوان "ظل حسنى مبارك لا يزال يغطى معظم مصر"، أن
تسمية الكثير من المدارس والميادين والمستشفيات تيمنا باسم الرئيس السابق، حسنى مبارك وزوجته سوزان مبارك ونجله جمال مبارك بات يثير جدلا واسعا فى مصر لاسيما بعد الإطاحة بنظامه المستمر منذ ثلاثة عقود، ومع تزايد الدعوات بتغيير مسمى هذه المؤسسات، رأت الصحيفة أن هذه الفكرة ربما تكون واسعة الانتشار، غير أنها لا تحظى بقبول جماعى من قبل كل المصريين.

وقالت الصحيفة فى مستهل تقريرها، إن حجم الدعاوى القضائية المرفوعة بحق الرئيس السابق باتت تشبه تدفق نهر النيل، ولكن اللافت للنظر بها كانت دعوى سمير صبرى، المحامى التى تطالب بمحو اسم مبارك من كل مؤسسة عامة فى أى مكان بمصر.

اليوم السابع

"المصريون تبنوا هذه الفكرة لقرون، منذ وقت الفراعنة عندما كانت صورة الفرعون فى كل مكان، ولا ينبغى أن يكرم الفاسدين، أنا لا أريد أن أمحى 30 عاما من التاريخ المصرى، وإنما أريد أن أزيل هذا الاسم"، هكذا أكد صبرى.

وقالت "نيويورك تايمز"، إن اسم مبارك ووجهه على معظم البنيات والميادين تعرضا للكشط والإزالة بعد تنحيه فى 11 فبراير المنصرم، ومع ذلك، نشب صراع قوى يوم الخميس الماضى أمام المحكمة التى كانت تناقش هذه المسألة بين هؤلاء الساعين للحفاظ على اسم مبارك وبين أولئك الذين يريدون محوه. ورفع قرابة المائة مؤيد لمبارك صورته مرددين "الشعب يريد تكريم الرئيس"، بينما قال آخرون معارضون لمبارك "الشعب يريد محاكمة الرئيس".

ولفتت "نيويورك تايمز" إلى أن بعض المصريين ينددون بالاهتمام التى تحظى به هذه المسألة واصفين إياها بالسطحية خاصة مع تفاقم الكثير من المشكلات الجادة الأخرى فى البلاد والتى تتراوح من الاتجاه الذى تسير فيه دفة الثورة إلى الأزمة الاقتصادية المتفاقمة. ونسبت الصحيفة إلى شريف حافظ، أستاذ العلوم السياسية قوله، إن إزالة الاسم ليس بأهمية تغيير العقلية التى سمحت لرجل واحد للسيطرة على الدولة لأكثر من 30 عاما.

ومضت الصحيفة الأمريكية تقول إن إزالة كل اسم لمبارك يتطلب جهدا لا يختلف عن بناء الأهرامات، فهو موضوع على الكثير من المدارس والمكاتب والمستشفيات والعيادات والكبارى والطرق والميادين والمطارات والملاعب وبنيات الوزارات والمصانع، وبيوت الطلبة، والمراكز والجوائز والكثير من الأشياء الأخرى.