محافظ الدقهلية:أبويا قال لي: "آخرك هتلبس الجلابية" !

قال اللواء محسن حفظي محافظ الدقهلية إن مكتبي لا يغلق بس الرحمة حلوة اللي ييجي بفكرة مفيدة وقابلة للتنفيذ أهلاً بيه عشان ما حدش ياكل دماغي ولوك لوك ويكون جايب فكرة تطبق في الأحلام وفيه أفكار تطبيقية تحل مشاكل عاجلة وأفكار يمكن تطبيقها علي المدي.. وعن تحصيل التبرعات قال المحافظ دي كفالة وأنا الترابيزة عندي مفروشة وكله علي المكشوف وهتعرفوا إمكانيات وموارد المحافظة.
أضاف حفظي: أنا مش باكي علي منصب والدنيا ماتهمنيش وده مش كبر مني أنا جربت قهر الرجال عندما فقدت ابني الأكبر وكان عنده 32 سنة وأنا مش منتظر دعم من أحد ولن أعمل لارضاء أحد ولا أقول هذا الكلام لاستدرار العطف أبدا أنا أبويا لما خرج علي المعاش وقفت أمام صورته معجب بالبدلة العسكرية والنياشين ساعتها قالي اوعي تفتكر ان المناصب والكراسي بتدوم لأحد ومسيرك في الآخر هتقعد زيي وتلبس الجلابية وأحسن حاجة كان بيعتز بها طبق فضة مكتوب عليه انه لا يبقي إلا الود والمناصب لا تدوم والمنافقين لا يعيشون إلا مع المغرورين.