هتختار مين لرئاسة مصر

هتختار مين لرئاسة مصر أنا عن نفسي هختار الدكتور عمرو موسي وانت هتختار مين ؟؟؟؟؟؟

مع احترامى لرائى حضرتك عمرو موسى لايصلح للرئاسة دا اللى كان ممشية ظبط برتبة رائد

علينا فى الفتره القادمه ان نختار البرامج وليس الاشخاص
لكن اختيارى الشخصى سيكون للدكتور البرادعى (اذا كان بمنطق الاختيار للاشخاص)
وشكرا

طول عمرى بحترم رائيك وكلامك ياعمى اشرف لكن البرادعى دة مش مستريح لة مشوا الحمار عاوزين يجيبوا البردعة

وما هى تحفظاتك على د.البرادعى ولماذا شتمته
وشكرا

واللة الموضوع كلة عبارة عن وجهة نظر مش اكتر بس على حسب معرفتى ان مراتو مسحية وبنتو وبعدين دة راجل كان عايش فى النمسا طول عمرة معلومة منى للاعضنا الغالين علية هيئة الطاقة الذرية مش فى امريكا فى النمسا ماعلينا المهم انتة عاوز تجيب واحد عمروا ماوقف فى طابور عيش يحس ب ازمة العيش الموجودة على الافران ياباشا الاصلاح للرئاسة هو لازم يكون مواطن مصرى فقير عاش فى مصر كان بيقبض350 جنية عشان يحس بالشباب وشكرا

اصبروا حتى اعلان الاحزاب لمرشحيها وتهيئة الاحزاب لممثليها انا سمعت عمرو خالد وكمان ايمن نور وعمرو موسى و البرادعى ويمكن زكريا عزمى بس مش فاضى الايام دى

عموما يمكن ربنا يكرمنا بغيرهم وربنا يولى الاصلح
نخلص الدستور الاول ونستعد للرئاسة

انا عن نفسى هاختار اللى يعرف ربنا فيهم كل اللى بيقول برنامج بينسى البرنامج وبينسى الشعب وانا محتاج واحد ذاكرته قوية وهاصبر لما اشوف القائمة الرئاسية كاملة يمكن ظاظا يرشح نفسه ويكون رمز الكوز

تحياتى لكم جميعا وانا اعبر عن رأيى الشخصى

مش عارف ايه حكاية طابور العيش معاكوا . بلاش كلام الاعلام المصرى سابقا
يعنى كنت عاوزه ينقل وكالة الطاقه الذريه فى مصر علشان يقعد معاك
وبعدين فيه واحد بيقبض 350 جنيه وهايترشح للرئاسه يا راجل
ومراته مسلمه وابنته مسلمه ومتزوجه من مسلم
اقول لك ايه تانى . الا اذا كنت تكرهه كره شخصى دى باه حاجه تانيه
وشكرا

ايوا ياعم ما اللى زيك ليهم وسطة وعارفين اصحاب الافران ومبقفوش فى طابور والعيش بيروح لهم لعند البيت ليهم حق يعملوا اكتر من كدة .....!!!!!

ايوا انا اعرف ناس كتير بتقبض 360 جنية

طيب لية موفقتش على عمرو موسى زى الاستاذ يحيى كشك؟؟

انا لا موافق على عمرو موسى ولا على البرادعى لادة لة تاريخ سياسى مشرف ولادة لةتاريخ سياسى مشرف

يبقا الحل الوحيد ان واحد من فئة الشعب هو اللى يمسك الرئسة

المفروض الرئيس دة يبقا حاجة شرفية وميبقاش لية فى اللية دا الحل الوحيد


دى وجهة نظرى لو عند حل تانى اتكلم معايا فى

وشكراا

لو كنت انت مش عارف تاريخ د.البرادعى تكون دى مشكلتك انت . اما عن عمرو موسى فهو من النظام السابق وعمره ما اعترض على سياساته
اما عن العيش مين قال انى باعرف اجيبه بالعكس
فالخبز مشكله اقتصاديه وحل اى مشكله اقتصاديه او اجتماعيه ..او..او...الخ يعود للقرار السياسى . وانا معك افضل النظام البرلمانى كتركيا او الهند او المختلط كفرنسا على سبيل المثال على النظام الرئاسى
وشكرا

انا مش عاوز حد ياعم اشرف انا عاوز الاصلح الذى يصلح

وبالمنسبة لو ممكن تعمل لنا c.v تعرفنا تاريخ الاستاذ برادعى

اما بالنسبة لموضوع العيش ف انا عارف انها اذمة

ولكن انا عاوز يبقا فى نظام

وبعدين العيش منو الحياة ف لازم نتكلم عن العيش الحياة


لو معرفناش حقنا دلوقتى وخدنها هنعرف حقنا .........!!!!!!


نفسى تفهمنى ياعم اشرف

علي ما أعتقد إن لكل واحد حق الأختيار
وللبحث عن سيرة الأشخاص فهناك جوجل يمكن من خلاله أن تبحث عن سيرة الأشخاص وسيأتي لك بمفجآت .
من رأيي أن كل من سيأتي سيكون حرامي - لما لا يرشح الشيخ محمد حسان نفسه - لما لا نكون نحن أصحاب القرار ونختار مرشجنا من بيننا وليس ما يفرض علينا عن طريق التلميع الإعلامي وإظهار بعض الشخصيات التي يرحب بها أمريكا وإسرائيل -
وعلي من يرشح شخص أن يخبرنا سبب ترشيحه لنا وماذا فعل ولنا حق الإعتراض
وإلا فلا داعي للنقاش أساساً ما دمنا لن نسمع لبعض - ولنتأكد أن كل من سيأتي سيسرق لأن زمن عمر بن الخطاب قد انتهي ولا يوجد عمر بن الخطاب لنأتي به ليحكمنا .

الاخ الكريم انا قلت لك رايى الشخصى ان د.البرادعى هو الاصلح للفتره القادمه ولاسباب كثيره مهما قلتها فيبدو انكم لن تصدقوها وهذا حقكم ولكن اريد ان اعرف الاسباب وهذا حقى

طيب ممكن د/ ايمن نور؟؟؟؟؟

الدكتور ايمن نور له تاريخ مشرف يكفى انه كان اصغر عضو فى البرلمان 30 عاما وحاصل على دكتوراه فى القانون وله 10كتب فى القانون ومحامى كبير وصحفى لامع وحصل مرتين على افضل برلمانى فى الشرق الاوسط . وانا شخصيا انتخبته فى 2005 .. لكن مش عارف وقف فى طابور عيش ولا لا طالما هذا هو مقياس اختيار الرئيس..
وشكرا

اعتقد ان المقياس الاصلح هو طابور السعى الى جعل الوطن افضل
احمد

انا شايفه انا كمان ان البرادعي هو الاصلح
الموجود في وسط المترشحين
عمرو موسي لم يعجبني موقف مع الثوره في البدايه لانه فضل الوقف في الوسط
وبعدين بيقول انا هاخد موقف من السياسيه
الاسرائليه لسه فاكر دلوقتي ان في اسرائيل
ونفسي اعرف موقف واحد بجد خده وهو امين عام جامعه الدول العربيه